Kizito Mihigo mu Burayi, mu gutangizayo amashami ya Fondation KMP

Yanditswe na Samuel Ishimwe
Kuya 16 Nyakanga 2012 saa 11:22
Yasuwe :
0 0

Umuhanzi Kizito Mihigo arabarizwa ku mugabane w’Uburayi aho azamara igihe gito ahuza abanyarwanda bashyigikiye Fondation ye, ndetse ngo byashoboka, naho hagatangizwayo amashami ya KMP.
Ku rubuga rwe rwa Facebook yagize ati: “Maze igihe mpaye ubuhanzi bwanjye icyerekezo gifite aho kiganisha abanyarwanda n’abatuye isi muri rusange, ariko gihereye ku buzima bwanjye. Hari abantu bagiye banshyigikira muri urwo rugendo. Hari n’abandi bagiye bangaragariza amarangamutima atandukanye, meza ariko (...)

Umuhanzi Kizito Mihigo arabarizwa ku mugabane w’Uburayi aho azamara igihe gito ahuza abanyarwanda bashyigikiye Fondation ye, ndetse ngo byashoboka, naho hagatangizwayo amashami ya KMP.

Ku rubuga rwe rwa Facebook yagize ati: “Maze igihe mpaye ubuhanzi bwanjye icyerekezo gifite aho kiganisha abanyarwanda n’abatuye isi muri rusange, ariko gihereye ku buzima bwanjye. Hari abantu bagiye banshyigikira muri urwo rugendo. Hari n’abandi bagiye bangaragariza amarangamutima atandukanye, meza ariko adafitiye akamaro ubwo butumwa, ndetse atanagafitiye ubuzima bwanjye mu by’ukuri. Ayo marangamutima yo ntatinda kuyoyoka. Abagiye bangaragariza ko bumva agaciro k’ubutumwa ntanga mu bihangano kandi bakagaragaza ko bashobora kwiyemeza kubushyigikira, nibo mpuriza muri Fondation yanjye, ngamije kwagura no gukomeza uwo musanzu w’umuhanzi mu kubaka abantu mpereye mu gihugu cyacu, nyuma ya Jenoside yakorewe Abatutsi.”

Uyu muhanzi Kizito Mihigo uzwi cyane ndirimbo nyarwanda nka: Inuma, Twanze Gutoberwa Amateka, Ijoro Ribara Uwariraye, Turi Abana b’u Rwanda n’izindi, muri iyi minsi arabarizwa ku mugabane w’u Burayi aho yagiye gutangiza amashami ya Fondation KMP mu bihugu binyuranye. Twabamenyesha ko igitekerezo cyo gushinga uyu muryango KMP (Kizito Mihigo pour la Paix – Kizito Mihigo for Peace), cyatangiye ubwo uyu muhanzi yakurikiraga amasomo ya Muzika mu Burayi, mu myaka ya 2003-2008, maze akiyemeza kujya ahuza Abanyarwanda batuye kuri uwo mugabane mu bitaramo by’indirimbo n’ubuhamya bitanga ubutumwa bw’amahoro buganisha ku bumwe n’ubwiyunge nyuma ya Jenoside. Bamwe mu bagiye bitabira ibi bitaramo, nibo bagize igitekerezo bwa mbere cyo kwibumbira mu ishyirahamwe kugira ngo batere ingabo mu bitugu uyu muhanzi n’ibikorwa bye biharanira amahoro.

Mu mwaka wa 2010, ubwo Kizito Mihigo yatangizaga Fondation ye i Kigali, yagaragaje ubushake bwo kwagura ibyo bikorwa, ndetse agaragaza ko n’abandi bahanzi bashobora kubigiramo uruhare. Mu bitaramo binyuranye by’iyo Fondation, hagiye hagaragaramo abahanzi b’indirimbo ndetse n’ab’imivugo banyuranye bazwi hano mu Rwanda. Ubungubu noneho uyu muhanzi arifuza ko habaho amashami y’iyi Fondation akora ibikorwa byayo mu mahanga kandi akurikije ubuzima Abanyarwanda baho babayemo. Nku’uko Kizito abyivugira, ibi ngo bizaba bigamije cyane cyane gushyigikira imibanire myiza Abanyarwanda bagenda biyubakira nyuma ya Jenoside yakorewe Abatutsi muri 1994.

Icyicaro gikuru cy’iyi Fondation KMP giherereye mu mujyi wa Kigali, akarere ka Gasabo mu Murenge wa Remera, mu Kagari ka Rukiri ya mbere. Abifuza kwinjira muri uyu muryango, bajya ku cyicaro cy’uyu muryango, ari naho basanga impapuro zo kuzuza (forms) ku bifuza kwinjira mu muryango bose. Naho abari kure, nko mu mahanga, bashobora gusaba kuba abanyamuryango baciye ku rubuga rwa Fondation KMP: www.kmp.rw


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza