Minisitiri Mitali yashimiye Mani Martin ku mitegurire y’igitaramo cye

Minisitiri Mitali yashimiye Mani Martin ku mitegurire y’igitaramo cye


Yanditswe kuya 2-10-2012 - Saa 01:57' na Shikama Dioscore na IRAKOZE Richard

Umuhanzi Man Martin yashimiwe imitegurire y’igitaramo yamurikiyemo abakunzi be Album ebyiri ingunga ari zo “My destiny” na “Intero y’amahoro”. Iki gitaramo cyabereye muri Serena Hotel kuri iki Cyumweru tariki ya 30 Nzeri 2012.

Imurika ry’izi Album ryagaragayemo umwihariko w’ibintu byinshi binyuranye, aho abahanzi bose yaba Man Martin n’abaje kumushyigikira barimo Nirere Shanel, King James, Patrick Nyamitari bose baririmbyi mu buryo bw’umwimere (Live).

Ikindi kidanzwe ni uburyo nyinshi mu ndirimbo za Man Martin zari mu njyana ya Kinyafurika itavangiye (Umwimirere Nyafurika). Izi ndirimbo ziririmbywe mu rusobe rw’indimi zinyuranye arizo icyongereza nk’indirimbo “My Destiny” yitiriye Album ye, Ikinyarwanda ndetse n’izindi ziri mu rurimi rw’Igiswahili nka “Bila Wewe”.

Mu ijambo rya Minisitiri w’Umuco na Siporo Mitali Protais yashimiye umuhanzi Mani Martin, avuga ko uko igitaramo cyateguwe bigaragaza intera nziza Umuziki Nyarwanda umaze kugeraho. Yashimye kandi kuba abahanzi baririmbye mu majwi yabo y’umwimerere ndetse no mu ndimi z’amahanga avuga ko ari intera ikomeye mu iterambere ry’umuziki.

Minisitiri Mitali yagize ati”CD nizo twumviraho indirimbo mu rugo, mu modoka, naho iyo twaje mu bitaramo nk’ibi ni byiza ko twiyumvira umuziki w’umwimerere nk’uyu nguyu.”

Iki gitaramo kikaba cyari cyarasubitswe bitewe n’uko Man Martin yari yagiye gutaramana n’Abanyarwanda bo muri Diaspora mu munsi ngaruka mwaka wiswe Rwanda Day, uyu mwaka kikaba cyari cyabereye i Boston muri Leta Zunze Ubumwe z’Amerika.

Mu ijambo rye Man Martin yagarutse kuri uku gusubikwa kw’igitaramo cye, anashimira abakunzi be kuba baje ku mushyigikira.

Man Martin yagize ati ”Ubwo nahinduraga iyi tariki sinarinzi ko bizanshobokera kubona abakunzi nk’aba, nyamara ariko ndabona byarenze uko nabitekerezaga,rwose Imana ibishimirwe.”

Umwe mu bafana ba Mani Martin waganiriye na IGIHE nyuma y’iki gitaramo yavuze ko yashimishijwe cyane n’iki gitaramo, avuga ko kiri mu bitaramo bya mbere byabaye muri uyu mwaka kuri we. Yagize ati “Yadukoreye concert nziza kabisa, kuva kuri Babou kugeza kuri we baririmbye neza cyane, abandi bahanzi barebereho.”

Iki gitaramo cyo kumurika Album ebyiri za Mani Martin cyitabiriwe na Perezida wa Sena y’u Rwanda Dr Jean Damascene Ntawukuriryayo wari kumwe n’umufasha we.



KANDA HANO USHOBORE KUMVA
  My Destiny By Mani Martin
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO