Masamba yitabiriye ‘Inkera y’intwatwa’ mu Busuwisi

Yanditswe na Munyengabe Murungi Sabin
Kuya 11 Werurwe 2015 saa 04:14
Yasuwe :
0 0

Intore Masamba , umuyobozi w’itsinda rya Gakondo Group anabereye agiye mu Busuwisi kuhakorera igitaramo cy’indirimbo gakondo cyiswe ‘Inkera y’Intatwa’.

Kuri uyu wa Gatatu nibwo Masamba yerekeje mu Mujyi wa Zurich, umwe mu mijyi minini yo mu Busiwisi ari naho iki gitaramo kizahuriramo Abanyarwanda kizabera.

Mu kiganiro na IGIHE, Intore Masamba yatangaje ko yiteguye kwerekana ibyiza by’umuco nyarwanda no gukomeza kuwamamaza ku Isi yose.

Yagize ati, “Nderekeza mu Busuwisi ku mugoroba wo kuri uyu wa Gatatu, ndajyana n’abandi bahanzi bo muri Gakondo batatu, ubwo turahaguruka turi bane”.

Masamba avuga ko iki gitaramo cyateguwe n’inzu ndangamurage yo mu Mujyi wa Zurich yifuje guhuriza hamwe Abanyarwanda ndetse n’abanyamahanga baturiye uwo mujyi.

Igitaramo ‘Inkera y’Intwatwa’ kizaba ku itariki ya 14 Werurwe 2015, Masamba n’abo bajyanye bazagaruka mu Rwanda ku itariki 18 Werurwe 2015.

Bimwe mu bikoresho bitwaje bizabafasha muri icyo gitaramo cy’indirimbo zakunzwe ha mbere mu Rwanda benshi bita Intwatwa harimo Ikondera,Umuduli,Inanga n’ingoma.

Munyanshongore Yahaya, Ngabo Michel na Mulinda Liennelnibo bazafatanya na Intore Masamba muri iki gitaramo.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza