Munyanshoza mu gitaramo cyo gukusanya inkunga yo kubaka urwibutso rwa Mibirizi

Yanditswe na

Richard IRAKOZE

Kuya 11 Mata 2012 saa 12:35
Yasuwe :
0 0

Umuhanzi Munyashoza Dieudonné, uzwi cyane ku izina rya Mibirizi, yateguye igitaramo cy’ubuntu cyo gukusanya inkunga yo kubaka urwibutso rwa Mibirizi ruherereye mu Ntara y’Uburengerazuba, aho avuka. Asaba Abanyarwanda kuzitabira iki gitaramo kizaba kuwa 13 Mata 2012, kuri St Paul guhera saa cyenda z’amanywa (15h00’).
Aganira na IGIHE, Munyashoza yavuze ko uru rwibutso rwubatswe kera ku buryo ubu ruteye isoni. Avuga ko rwangiritse cyane, iyi akaba ari imwe mu mpamvu bateganyije kurusana basaba (...)

Umuhanzi Munyashoza Dieudonné, uzwi cyane ku izina rya Mibirizi, yateguye igitaramo cy’ubuntu cyo gukusanya inkunga yo kubaka urwibutso rwa Mibirizi ruherereye mu Ntara y’Uburengerazuba, aho avuka. Asaba Abanyarwanda kuzitabira iki gitaramo kizaba kuwa 13 Mata 2012, kuri St Paul guhera saa cyenda z’amanywa (15h00’).

Aganira na IGIHE, Munyashoza yavuze ko uru rwibutso rwubatswe kera ku buryo ubu ruteye isoni. Avuga ko rwangiritse cyane, iyi akaba ari imwe mu mpamvu bateganyije kurusana basaba Abanyamibirizi n’inshuti zabo gufashanya bakarusana babinyujije mu nkunga bazatanga muri iki gitaramo.

Munyanshoza yagize ati:”Hashyinguwe mu 1995 ahantu bita Nangumurimbo; ni kera, kugeza ubu izo mva ziteye ku buryo budahesheje agaciro. Biteye akababaro, amazi azitembaho. Nanjye ni iwacu, nifuje ko nakwifatanya n’Abanyamibirizi ngo abacu bajye ahantu heza. Natwe ubwacu twumva hadutera isoni akaba ari yo mpamvu natekereje icyo gikorwa ngo duhuze abantu”.

Muri iki gitaramo hazaba hari ubuhamya bw’amateka ya Mibirizi buzatangwa n’abantu barimo Edouard Bamporiki, hanaririmbwe indirimbo zo kwibuka zizaririmbwa n’abahanzi nka Kizito Mihigo, Kitoko, Eric Senderi, Mariya Yohana, Samputu, Patrick Nyamitari, Jackie Umuliza (umugore wa Minani Rwema), Mani Martin n’abandi.

Munyashoza avuga ko bimwe mu biganiro biri guca kuri Televiziyo y’ u Rwanda, bigaragaza ukuri kw’uko uru rwibutso rumeze muri iki gihe. Akavuga ko nawe byamuteraga akababaro. Yagize ati:”Muri iyi myaka ishize nanjye numvaga ari akababaro kubera izo mpamvu; numva ko nitumara kubashingura neza nzatangira gutuza kuko hateye agahinda”.

Munyanshoza asaba Abanyarwanda kuzaza bagatanga inkunga yo kubaka uru rwibutso agira ati:”Nsaba Abanyamibirizi n’inshuti za Mibirizi kuzitabira iki gitaramo bagatanga inkunga kugira ngo abantu bacu bashyingurwe mu cyubahiro; aho bari ntabwo habahesha agaciro kandi natwe ntabwo haduhesha agaciro”.

Urwo rwibutso rushyinguwemo abarenga ibihumbi cumi n’icyenda (19,000). Gusanwa kwarwo bizatuma hanashyingurwamo abari barashyinguwe hirya no hino iruhande rwaho.

Munyashoza ashimira abamufashije mu itegurwa ry’iki gitaramo barimo Padiri mukuru wa Paroisse ya St Famille, St Paul (bamutije salle ku buntu), Komite ya Mibirizi, IGIHE, Radio Isango Star, ORINFOR, Radio Inteko, Radio Voice of Africa Kigali FM, Radio Contact FM n’abandi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza