Kwamamaza Tigo_ digital garden

Nibazane ibitekerezo, nanjye nzane ibyanjye, twubake injyana - Mico Prosper

Yanditswe kuya 18-03-2012 saa 13:15' na Vénuste KAMANZI
     


Umuririmbyi akaba n’utunganya indirimbo Mico Prosper arasaba abaririmbyi b’injyana ya Afro-beat kwishyira hamwe, bakajya bungurana ibitekerezo ku buryo barushaho gukora ibihangano bishobora guhangana n’izindi njyana ku isoko rya muzika.
Kuri Mico, injyana ya Afro-beat ifite umwihariko kandi igaragaramo ubuhanga ariko abayikora ntibarabasha kuyigeza ku rwego ishobora guhangana n’izindi njyana zamaze kubaka izina ku isi nka RnB, Rock’n’Roll, Hip Hop n’izindi.
Mico yagize ati:”Abahanzi bakora afro (...)

Umuririmbyi akaba n’utunganya indirimbo Mico Prosper arasaba abaririmbyi b’injyana ya Afro-beat kwishyira hamwe, bakajya bungurana ibitekerezo ku buryo barushaho gukora ibihangano bishobora guhangana n’izindi njyana ku isoko rya muzika.

Kuri Mico, injyana ya Afro-beat ifite umwihariko kandi igaragaramo ubuhanga ariko abayikora ntibarabasha kuyigeza ku rwego ishobora guhangana n’izindi njyana zamaze kubaka izina ku isi nka RnB, Rock’n’Roll, Hip Hop n’izindi.

Mico yagize ati:”Abahanzi bakora afro beat bumve ko bishoboka, namaze gusobanukirwa ko ari umwihariko w’Abanyafurika ariko n’abazungu bashobora gukenera”.

Akomeza avuga ko n’ubwo Afro-beat isa n’ifite izindi njyana zisa ifite umwihariko wayo ushobora gutuma nayo yahangana ku isoko, gusa asaba abahanzi gushyiramo umurego mu guhanga indirimbo zirimo ubuhanga kandi bakagerageza kubikora nk’ababigize umwuga.

Yagize ati:”Ndimo kugerageza kubahuza kugira ngo turusheho kugira ubumwe, nibiba ngobwa umwe muri twe ugiye gukora indirimbo akaba yajya asaba ibitekerezo bagenzi be”.

Asaba abahanzi bagenzi be bakora Afro-beat kudakomeza gukora nk’abarangamiye isoko ryo mu Rwanda gusa, ahubwo bakareba kure kugira ngo babashe kugira injyana yabo mpuzamahanga, ishore imizi mu mpande zose z’isi.

Yakomeje agira ati:”Bivuga ngo ninegera Mico ashobora kujyanira ibitekerezo, tugomba gushyira hamwe tugatahiriza umugozi umwe kuko intego ari imwe, bazane ibitekerezo byabo nanjye nzane ibyanjye twubake injyana”.

Mico Prosper atangaza ko kuba muri iki gihe arimo kugenda akorana n’abahanzi batandukanye ari muri urwo rwo kurushaho guhuza abahanzi no kwagura imbibi z’injyana ya Afro-beat, iheruka ni iyo yakoranye n’umuhanzikazi Knowless.

Kuri Mico icyizere ni cyose ko iyi njyana yakwaguka mu mpande zose z’isi kuko n’abazungu barimo kugenda barushaho kuyikunda.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved