Princess Priscillah ari mu gahinda k’urupfu rwa Sekuru

Yanditswe na Munyengabe Murungi Sabin
Kuya 17 Mata 2017 saa 10:29
Yasuwe :
0 0

Umuratwa Priscillah [Princess Priscillah] usigaye aba muri Leta Zunze Ubumwe za Amerika ari mu gahinda gakomeye nyuma y’urupfu rwa Sekuru witabye Imana azize uburwayi.

Princess Priscillah yabwiye IGIHE ko uyu musaza yitabye Imana kuri iki Cyumweru tariki ya 16 Mata 2017. Yavuze ko yari umubyeyi mwiza wakundaga abuzukuru be cyane ndetse by’umwihariko ngo nta cyumweru cyashiraga atavuganye n’uyu mukobwa kuri telefone amubaza amakuru ye n’uko amerewe muri Amerika.

Yagize ati“Nabuze sogokuru wanjye, nabyutse bahita bambwira iyo nkuru mbi […] Yari umubyeyi wa Papa, yarankundaga, mbese yari umuntu twavuganaga kenshi, yari bugufi yanjye cyane.”

Umuryango wa Princess Priscillah ntiwifuje gutangaza umwirondoro wa nyakwigendera ku mpamvu bwite.

Priscillah wiga Kaminuza muri Leta Zunze Ubumwe za Amerika yagize ibyago byo kubura sekuru mu gihe yari amaze amasaha make asohoye indirimbo yitwa ‘Wabaga he’ yahuriyemo na mugenzi we Emmy na we utuye mu Mujyi wa Houston muri Leta ya Texas.

Uyu mukobwa yavuze ko ibi byago byahise byivanga muri imwe mu mishinga ikomeye yari amaze igihe ategura harimo indirimbo nshya yifuza gushyira hanze mu buryo bw’amajwi n’amashusho bitarenze ibyumweru bibiri.

Princess Priscillah yerekeje muri Amerika muri Nyakanga 2013 akaba yaragiye kuhakomereza amasomo ya Kaminuza. Narangiza amasomo ye yihaye intego yo kuzahita agaruka mu Rwanda gushyira mu ngiro ubumenyi ari guhaha mu mahanga.

Priscillah ageze mu mwaka wa kabiri wa kaminuza muri Amerika

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244