Princess Priscillah mu ndirimbo ibuza abakundana ‘kwigira nyoni nyinshi’

Yanditswe na Munyengabe Murungi Sabin
Kuya 12 Ukuboza 2014 saa 11:22
Yasuwe :
0 0

Nyuma y’igihe kirenga umwaka acecetse, Umuratwa Priscillah uzwi mu muziki wo mu Rwanda ku izina rya Princess Priscillah yashyize hanze indirimbo nshya igaruka ku buryo hari abantu bahora mu munyenga w’urukundo ariko bakananirwa kugaragaza ko batewe ishema n’abakunzi babo.
Princess Priscillah usigaye ukorera umuziki we muri Leta Zunze Ubumwe za Amerika, yabwiye IGIHE ko hari indi mishinga myinshi afite ya muzika haba iye ku giti cye ndetse n’iyo afatanyije n’abandi bahanzi nyarwanda bubatse (...)

Nyuma y’igihe kirenga umwaka acecetse, Umuratwa Priscillah uzwi mu muziki wo mu Rwanda ku izina rya Princess Priscillah yashyize hanze indirimbo nshya igaruka ku buryo hari abantu bahora mu munyenga w’urukundo ariko bakananirwa kugaragaza ko batewe ishema n’abakunzi babo.

Princess Priscillah usigaye ukorera umuziki we muri Leta Zunze Ubumwe za Amerika, yabwiye IGIHE ko hari indi mishinga myinshi afite ya muzika haba iye ku giti cye ndetse n’iyo afatanyije n’abandi bahanzi nyarwanda bubatse izina bakiri mu Rwanda ariko bakaba basigaye bakorera hanze y’igihugu.

Yagize ati “Hari imishinga myinshi mfite nyuma y’iyi ndirimbo. Video yayo izabageraho mu minsi mike cyane, byose bikaba byaratunganyijwe na Producer Lick Lick.”

Akomeza agira ati “Imishinga mfite ni myinshi kandi ntekereza ko izanyura abantu nyuma y’igihe kinini maze ntakora. Hari iyanjye ku giti cyanjye n’iyo nafatanyije n’abandi bahanzi bakomeye dufite mu muziki nyarwanda.”

Indirimbo Priscillah azashyira hanze nyuma y’iyo yise ‘Icyo mbarusha’ ngo zizajya zisohokana n’amashusho yazo, bitandukanye n’uko yakoraga mu myaka yashize aho kubona indirimbo ye ifite amashusho byabaga ari ingorabahizi.

Muri iyi ndirimbo, Priscillah ngo yashatse gukebura abafite abakunzi ariko batabasha kwerura ngo babiratane nk’ikimenyetso cy’uko baba babishimiye kurusha abandi bantu ku Isi.

Ati “Iyi ndirimbo ivuga ku kuntu umuntu akubera inyangamugayo mu rukundo kugeza aho uba wumva nta wundi ukurusha umukunzi mwiza ugahora wumva uwawe ari we wa mbere abandi bakaza nyuma. Mu buzima busanzwe cyane cyane mu muco wacu ntabwo tumenyereye kurata ibyo dufite niyo waba ntawundi mutima w’ubwibone ubikoranye”

Akomeza agira ati “Mu rukundo ntekereza ko ushobora kwiratana umukunzi wawe mu buryo runaka kuko ari umugisha kugira umuntu ukunda kandi akakubera imfura ukanyurwa mu rukundo. Nyine ntubeho wigira nyoni nyinshi kandi wagakwiye kubigaragaza”

Princess Priscillah yerekeje muri Leta Zunze Ubumwe za Amerika ku itariki ya 6 Kanama 2013 aho yagiye gukomereza amasomo ye ya kaminuza. Atuye muri Leta ya California ari naho yiga.

Yamenyekanye mu ndirimbo zirimo ‘Mbabarira’, Bagupfusha ubusa’, ‘Nkeneye umukunzi’ n’izindi.

UMVA IYI NDIRIMBO HANO


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza