Kwamamaza

SEMA Jackson yasohoye amashusho y’indirimbo ‘Umukobwa nifuza’

Yanditswe kuya 10-11-2016 saa 08:30' na IGIHE


Umuhanzi Semukanya Aimable ukoresha izina ry’ubuhanzi rya SEMA Jackson yashyize hanze amashusho y’indirimbo yise ‘Umukobwa nifuza ivuga ku ntekerezo z’abasore baba bageze mu gihe cyo gushaka uwo barushingana.

Sema Jackson asanzwe afite izindi ndirimbo yagiye ashyira hanze zamenyekanye zirimo nka “Nakupenda”, “Dukesheimitima”, “Ni munange”, “Rwanda nziza”, “Data Nkunda” n’izindi.

Yabwiye IGIHE ko yanditse iyi ndirimbo ahuza n’ibitekerezo biba biri mu mitwe y’abasore benshi baba bifuza guhitamo uwo bazakomezanya urugendo rw’ubuzima aho usanga buri wese avuga ibyo yifuza ku mukobwa bwakundana.

Yagize ati “Nayikoze mpereye ku ndoto za benshi mu basore nanjye ntikuyemo baba bageze mu gihe cyo gushaka cyangwa barambagiza inkumi. Aho buri wese aba yumva uko umukobwa bakundana ndetse bakarushinga yagombye kuba ameze.”

Yakomeje agira ati“Iyo wumvise n’ibiganiro bya zimwe muri Radio hano mu Rwanda hari ibiganiro zigira bifasha cyangwa bihuza abasore n’inkumi, aho buri wese ahamagara akavuga umukobwa cyangwa umusore yifuza uko yagombye kuba ameze. Ni muri urwo rwego rero nakoze iyi ndirimbo igaragaza izo ndoto nubwo muri rusange biba bitoroshye kubona uwo wifuza ijana ku ijana.”

Sema Jackson yavuze ko mu minsi iri imbere azashyira hanze izindi ndirimbo nshya amaze iminsi atunganya muri studio zitandukanye.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved