Masamba yasize Sentore abasha gucuranga inanga n’ubwo akirwaye

Yanditswe na
Kuya 13 Werurwe 2012 saa 09:48
Yasuwe :
0 0

Masamba Intore yagarutse mu Rwanda ava mu Buhinde aho yari yagiye kurwaza umubyeyi we Athanase Sentore. N’ubwo batazanye nk’uko yabyifuzaga, Masamba aratangaza ko Sentore ari kugenda yoroherwa.
Masamba, mu magambo yanditse ku rukuta rwe ku rubuga rwa Facebook yagize ati: "Ubu ndi i Kigali. Nasesekaye mu Rwanda ruzira amakemwa. Nsize umusaza Sentore ameze neza yarorohewe. Arwariye muri Fortis Hospital Mumbai-India"
Uyu muhanzi yakomeje yandika ko ubu Sentore ari kubasha kongera gukora imwe (...)

Masamba Intore yagarutse mu Rwanda ava mu Buhinde aho yari yagiye kurwaza umubyeyi we Athanase Sentore. N’ubwo batazanye nk’uko yabyifuzaga, Masamba aratangaza ko Sentore ari kugenda yoroherwa.

Masamba, mu magambo yanditse ku rukuta rwe ku rubuga rwa Facebook yagize ati: "Ubu ndi i Kigali. Nasesekaye mu Rwanda ruzira amakemwa. Nsize umusaza Sentore ameze neza yarorohewe. Arwariye muri Fortis Hospital Mumbai-India"

Uyu muhanzi yakomeje yandika ko ubu Sentore ari kubasha kongera gukora imwe mu mirimo yari asanzwe akora n’ubwo akirwariye mu Buhinde. Yagize ati:”Ubu araganira, aracuranga inanga. Abaganga baramukunze cyane kandi bamwitayeho cyane”.

Masamba kandi ashimira abakomeje kumuba hafi agira ati:”Mbashimire cyane ko mwagiye ku mavi, muramusengera kandi Imana yarabumvise, yumva ugusenga kwanyu.”

Masamba yagiye by’igitaraganya mu Buhinde ku wa Kabiri tariki ya 6 Werurwe 2012, nyuma yo kumva ko se arembye.

Sentore, w’imyaka 77 yagiye kwivuza ku wa 7 Mutarama 2012. Arwaye indwara zirimo iz’imitsi n’izindi zishamikiyeho ziterwa ahanini n’iza bukuru.

Umusaza Sentore azwiho ubuhanga mu gucuranga inanga. By’umwihariko uretse kuba afatwa nk’ishuri rya muzika ku bahanzi batandukanye bamuciye imbere anakomokwaho n’abahanzi barimo Intore Masamba n’umwuzukuru we Jules Sentore, uri mu bari kumenyekana cyane mu bahanzi b’urubyiruko.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza