Umusaza Sentore yagiye kwivuriza mu Buhinde

Yanditswe na
Kuya 8 Gashyantare 2012 saa 10:17
Yasuwe :
0 0

Umuhanzi Sentore Athanase ubyara Masamba Intore yerekeje mu gihugu cy’u Buhinde ku mugoroba wo kuri uyu wa Mbere tariki ya 7 Mutarama 2012, aho agiye kwivuriza indwara zirimo iz’imitsi n’izindi zishamikiyeho ziterwa ahanini n’ubusaza.
Mu kiganiro twagiranye n’umuhanzi Jules Sentore, umwe mu barezwe nawe uri no mu bamukurikiranira hafi, yagize ati:“Yari asanzwe arwaye, ariko ubu yafashe indege, ajya kwivuza mu Buhinde kubera iby’indwara ye”.
Amakuru dukesha, uyu muhanzi (Jules Sentore) avuga ko (...)

Umuhanzi Sentore Athanase ubyara Masamba Intore yerekeje mu gihugu cy’u Buhinde ku mugoroba wo kuri uyu wa Mbere tariki ya 7 Mutarama 2012, aho agiye kwivuriza indwara zirimo iz’imitsi n’izindi zishamikiyeho ziterwa ahanini n’ubusaza.

Mu kiganiro twagiranye n’umuhanzi Jules Sentore, umwe mu barezwe nawe uri no mu bamukurikiranira hafi, yagize ati:“Yari asanzwe arwaye, ariko ubu yafashe indege, ajya kwivuza mu Buhinde kubera iby’indwara ye”.

Amakuru dukesha, uyu muhanzi (Jules Sentore) avuga ko kuba Sentore yabashije kujya mu Buhinde kwivuza ari uko Abanyarwanda bagifite umutima utabara bitanze bakamukusanyiriza inkunga yo kujya kwivuza hanze.

Yagize ati:”Ni Abanyarwanda bitanze ajya kwivuza mu Buhinde”.

Jules Sentore kandi yasabye abakunzi b’umuziki nyarwanda gusengera uyu muhanzi uri mu batoje abahanzi benshi bakibyirukana ubuhanzi bw’umuco gakondo. Ati:“Ndasaba Abanyarwanda ngo bazamusabire bazamusesngere azagaruke amahoro”.

Ibi ni nabyo Masamba Intore asaba Abanyarwanda aho ku rukuta rwe rwa Facebook ye yagize ati:”Nguwo Rwagiriza Bigarama rwa Ngarambe akirigita inanga! Tumusengere azagaruke amahoro aho yagiye kwivuza mu Buhinde”.

Muri Gashyantare 2011, Sentore nabwo yari yagiye i Nairobi muri Kenya, kwivuza mu bitaro bya Agha Khan.

Umusaza Sentore, wavutse ku mutware mu 1934, arimo gukorerwa filime Documentaire izagaragaza ubuzima bwe.

Muri iyi filime hazagaragazwa bimwe mu bigwi n’ibirindiro bye birimo; uko yabaye mu itorero Indashyikirwa ry’Umwami Mutara Rudahigwa, uko mu 1958 yegukanye igikombe ku rwego rw’isi mu iserukiramuco ryabereye mu Bubiligi, aho yari ari kumwe n’intore 27 zatoranijwe, akaba ari nawe usigaye muri izo ntore zose kuko izindi zatabarutse.

Hejuru ku ifoto: Umuhanzi Sentore Athanase


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza