Teta Diana arishimira kuba yaratowe muri Salax Awards 2014

Yanditswe na
Kuya 16 Mutarama 2014 saa 09:18
Yasuwe :
0 0

Umuhanzikazi Teta Diana wamenyekanye cyane mu minsi ishize mu ndirimbo Fata Fata ndetse akaba abarizwa no muri Gakondo Group ya Massamba, arishimira ko yagiriwe icyizere cyo kujya muri salax awards 2014 mu cyiciro cy’umuhanzi mushya wigaragaje mu mwaka wa 2013.
Teta aganira na IGIHE yagize ati: “Ndishimye cyane kuba naragiriwe icyizere cyo gutorwa muri salax award, ndashimira kandi abanyamakuru bose, abaproducers bose ndetse n’aba dj batahwemye kumfasha kumenyekanisha ibihangano byanjye (...)

Umuhanzikazi Teta Diana wamenyekanye cyane mu minsi ishize mu ndirimbo Fata Fata ndetse akaba abarizwa no muri Gakondo Group ya Massamba, arishimira ko yagiriwe icyizere cyo kujya muri salax awards 2014 mu cyiciro cy’umuhanzi mushya wigaragaje mu mwaka wa 2013.

Teta Diana

Teta aganira na IGIHE yagize ati: “Ndishimye cyane kuba naragiriwe icyizere cyo gutorwa muri salax award, ndashimira kandi abanyamakuru bose, abaproducers bose ndetse n’aba dj batahwemye kumfasha kumenyekanisha ibihangano byanjye kugeza aho ntorewe mu bahanzi bakizamuka beza.”

Yakomeje avuga ko nyuma yo kwibona kuri urwo rutonde rw’abo bahanzi bahatanira salax award byamwongereye ingufu, ndetse uyu mwaka agiye gukora cyane kugira ngo ibihangano bye bigere ku bakunzi be, anakoreshe uko ashoboye bigere mu ruhando mpuzamahanga aho yizera ko gakondo Group aririmbamo nayo izabimufashamo.

Abajijwe gahunda afite muri iyi minsi, yasubije ko mu mpera z’iki cyumweru azashyira hanze amashusho y’indirimbo ye aherutse gusohora yise Canga Ikarita , akaba ari no gukora indirimbo nshya muri studio kwa producer Nicholas afatanyije na Bob.

Teta yavuze kandi ko uyu mwaka wa 2014 yawutangiye neza bitewe n’uko yashimishijwe no kuririmbira imbere ya Nyakubahwa Perezida wa repubulika na Madamu we, tariki 10 Mutarama 2014, ubwo yabatunguraga akaza mu gitaramo cya gakondo Group kuri Hotel des Milles Collines.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza