The Ben arashima ingabo za RPF zahagaritse Jenoside

Yanditswe na Munyengabe Murungi Sabin
Kuya 12 Mata 2016 saa 02:48
Yasuwe :
0 0

Mu gihe u Rwanda rwibuka ku nshuro ya 22 Jenoside yakorewe Abatutsi, umuhanzi The Ben ukorera umuziki i Chicago yashimiye byimazeyo ingabo za RPF zagize uruhare rukomeye mu guhagarika ubu bwicanyi.

The Ben ashimangira ko ibyo Ingabo za RPF zakoze ari ubutwari ukomeye kuko zabashije guhagarika Jenoside yahitanye ubuzima bw’Abatutsi basaga miliyoni bishwe bazira uko baremwe.

Yakanguriye Abanyarwanda bose gufatana mu mugongo mu gihe hibukwa inzirakarengane z’Abatutsi ndetse bakarushaho kunga ubumwe no kugira ubufatanye mu kubaka igihugu.

Muri ibi bihe bikomeye, The Ben arashishikariza Abanyarwanda bose gufatana mu mugongo. Kwiyubaka bisaba ubufatanye mu Banyarwanda ari nacyo asaba ko bakubakiraho.

Ati “ Kwiyubaka tuzabigeraho neza mu Rwanda nihaba ubufatanye. Uwo ari we wese nashyireho umuganda we twubake u Rwanda rushya. Abarokotse ntiheranwe n’agahinda haracyari ibyiringiro byo kubaho ejo hazaza kandi Imana irabazi."

Yongeraho ati "Ntabwo waheranwa n’agahinda ngo uziyubake, guheranwa n’agahinda si igisubizo ahubwo mucyo twibuke abacu tuniyubaka.”

The Ben avuga ko buri wese akwiye gushimira Ingabo za RPF zahagaritse Jenoside mu gihe byinshi mu bihugu bifite ingabo zikomeye byareberaga gusa.

Yagize ati “Byananiye amahanga, ingabo zoherejwe gutabara mu gihe cya Jenoside zananiwe gukiza abicwaga ariko ingabo za RPF zarabikoze. Iyo batagera mu gihugu nta wari kurokoka […] Ni abo gushimirwa kuko babaye intwari, bakoze akazi gakomeye batumye u Rwanda rwongera kubaho.”


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza