Kwamamaza

Umukinnyi wa Los Angeles Lakers yifashe video aririmba Habibi ya The Ben

Yanditswe kuya 20-10-2016 saa 08:55' na Munyengabe Murungi Sabin


Umwongereza w’icyamamare muri Basketball Luol Ajou Deng yifashe amashusho ari mu munyenga wo kumva anagerageza gusubiramo indirimbo ‘Habibi’ ya The Ben usigaye akorera umuziki muri Amerika.

Luol Deng w’imyaka 31 ni umukinnyi w’umuhanga mu mukino w’intoki wa Basketball. Ni Umwongereza ukomoka muri Sudani, amaze igihe gito yinjiye mu ikipe ya Los Angeles Lakers, yayisinyemo amasezerano y’imyaka ine kuri miliyoni 72 z’amadolari.

Ku mbuga nkoranyambaga Snapchat na Instagram, hari kuzenguruka amashusho ya Luol Deng ari mu modoka yumva anaririmba indirimbo “Habibi” ya The Ben.

Mu rukurikirane rw’amashusho uyu mukinnyi yashyize kuri Snapchat, yanditseho ko yishimiye mu buryo bukomeye indirimbo ‘Habibi’ ya The Ben. Video yifashe bwa mbere yabanje kwandikaho ko ari kuyumva agenda ayisubiramo kenshi arangije abaza abamukurikira icyo bayitekerezaho ati “Habibi ya The Ben muyishake hanyuma mumbwire icyo mutekereza.”

Deng yifashe indi video nayo ayishyira kuri Snapchat yandikaho ati “Nababoneye indirimbo nshya mwese…”

The Ben yabwiye IGIHE ko kubona icyamamare nka Deng yumva indirimbo ye ndetse akabyereka ibihumbi by’abafana bamukurikira ku mbuga nkoranyambaga ngo byamwongereye imbaraga zikomeye ndetse agira akanyabugabo birushijeho.

Ati “Ni ibintu byanshimishije cyane kubona umuntu nka Deng yumva Habibi, ni ikimenyetso cyerekana ko umuziki w’u Rwanda ugeze ku rwego rukomeye, umuziki wacu uri gukora amateka aha hanze.”

Yongeyeho ko ataragira amahirwe yo guhura cyangwa kuganira na Deng gusa ngo iyo amubonye mu kibuga akina yumva anezerewe. Ati “Sindavugana na we na rimwe ariko ibyo yakoze byankoze ku mutima, nabyakiriye nk’ikintu gikomeye.”

The Ben yavuze ko ari kunoza imirimo ya nyuma yo kurangiza amashusho ya Habibi ku buryo yazayashyira hanze mu gihe kitarenze ibyumweru bibiri. Uyu muhanzi kandi ni umwe mu bakomeye bahataniye igihembo cya Prix Découvertes RFI umwaka wa 2016.

Uyu Deng yakiniye amakipe akomeye ku Isi arimo Chicago Bulls(2004-2014), Cleveland Cavaliers(2014), Miami Heat(2014-2016), muri iki gihe akinira Los Angeles Lakers azayimaramo imyaka ine. Yanakiniye u Bwongereza mu mikino mpuzamahanga myinshi.

Deng wakiniye Miami Heat asanzwe afitanye ubumwe na Cristiano Ronaldo
Deng amaze igihe gito yinjiye mu ikipe ya Los Angeles Lakers

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved