Bosebabireba arishyuzwa inzoga ashinjwa kuba yaranyoye muri Nyakanga

Yanditswe na

Munyengabe Murungi Sabin

Kuya 20 Ukwakira 2014 saa 12:54
Yasuwe :
0 0

Umuhanzi w’indirimbo zihimbaza Imana Theo Bosebabireba amaze amezi agera kuri atatu yishyuzwa amafaranga y’u Rwanda 21,100 y’inzoga ashinjwa kuba yaranywereye mu kabari ka Ebenezer Resto Bar gakorera mu isoko rya Nyarugenge.
Ubuyobozi bwa Ebenezer Resto Bar buhamya ko aya mafaranga bwishyuza Theo Bosebabireba ari ay’inzoga yanywereye muri aka kabari we na abagenzi be muri Nyakanga 2014 nyuma akabura ubwishyu. Uyu muhanzi amaze kubura aya mafaranga ashinjwa ngo nibwo ubuyobozi bw’akabari (...)

Umuhanzi w’indirimbo zihimbaza Imana Theo Bosebabireba amaze amezi agera kuri atatu yishyuzwa amafaranga y’u Rwanda 21,100 y’inzoga ashinjwa kuba yaranywereye mu kabari ka Ebenezer Resto Bar gakorera mu isoko rya Nyarugenge.

Ubuyobozi bwa Ebenezer Resto Bar buhamya ko aya mafaranga bwishyuza Theo Bosebabireba ari ay’inzoga yanywereye muri aka kabari we na abagenzi be muri Nyakanga 2014 nyuma akabura ubwishyu. Uyu muhanzi amaze kubura aya mafaranga ashinjwa ngo nibwo ubuyobozi bw’akabari bwafashe umwanzuro wo gufatira indangamuntu ye kugira ngo bizaborohere kumwishyuza.

Mu kiganiro Theo Bosebabireba yagiranye na IGIHE, yasobanuye neza ko umuzi w’iki kibazo arimo ari umugabo witwa Jean Paul wakoraga mu cyahoze ari EWASA waje kumunyanganya amafaranga mu gihe yarimo kumushakisha bahurira muri aka kabari ari nako yagwiriye mu mutego w’ibi byose avugwaho.

Bijya gutangira....

Hari muri Nyakanga ubwo Bosebabireba utuye ku Gisozi yagize ikibazo cy’ipoto y’amashanyarazi y’iwe yaguye hasi bityo ahamagara muri EWASA ashaka uwamufasha. Yaje guhura na Jean Paul basezerana ko agomba gukemura ikibazo cy’amashanyarazi uyu muhanzi yari yagize mu rugo. Theo avuga ko yahise ahuza Jean Paul n’umugore we(wa Theo) kugirango azamuhembe arangije akazi kuko icyo gihe uyu muhanzi ngo yahise yerekeza i Burundi.

Ubusanzwe ngo Theo akunda gusohokera mu kabari kitwa Green Corner i Nyamirambo , aka kabari kamurega ngo yakagiyemo agiye kwishyuza

Theo ati “Hari mu kwezi kwa karindwi, nagize ikibazo cy’ipoto y’iwanjye yaguye hasi mpamagara muri Ewasa nshaka uwamfasha nibwo nahuye na Jean Paul. Twemeranyije amafaranga yo kugura insinga n’ibindi bikoresho yari akeneye, tunavugana ayo ngomba kumuhemba ndangije njya i Burundi muhuza n’umugore wanjye ngo azamuhembe”

Jean Paul yaje kwirukansa imihanda Theo.....

Bosebabireba avuye i Burundi, ngo yatunguwe no gusanga akazi yari yahaye Jean Paul atagakoze uko babivuganye kandi yarishyuwe amafaranga yose. Theo yahise atangira gushakisha Jean Paul kugira ngo amusubize amafaranga ye yariye gusa nyuma ibintu byaje kuba bibi kurushaho.

Ati “Uwo Jean Paul naje gusanga atarakoze akazi nk’uko nabimusabye kandi yarariye amafaranga yanjye. Natangiye kujya nirirwa muhamagara ntiyitabe telefone, nyuma maze kurambirwa nahaye umugore ikibazo ngo agikurikirane ariko biba iby’ubusa.

Uko Bosebabireba yagiye mu kabari

Mu kiganiro na IGIHE, Theo yashimangiye ko yakomeje kugerageza gushakisha uyu Jean Paul. Umunsi umwe ari nimugoroba Jean Paul yitabye Theo ngo amubwira ko yari amaze iminsi arwaye ndetse amusaba imbabazi. Theo yahise asaba Jean Paul kumubwira aho aherereye akahamusanga.

Muri izi nzoga ashinjwa ngo azi Mutzig gusa

Ati “Ndababwiza ukuri sinjya njya mu tubari, icyo gihe yarambwiye ngo ari mu kabari kari mu isoko rya Nyarugenge. Nahise musangayo kuko nashakaga kumwishyuza amafaranga yanjye. Ngezeyo nasanze ari kumwe n’abandi basore bigaragara ko basinze.”

Akomeza agira ati “Naricaye ndeba uko bari kubyina, nsaba Fanta, icyo gihe nanyoye citron. Nahise njya kwihagarika ngarutse nsanga uwo musore na bagenzi be bagiye, baba bankubise facture ndumirwa. Baramfashe bambwira ko ari njye ugomba kwishyura, nanze kwishyura ibyo ntanyoye ari bwo basigaranye indangamuntu yanjye mu gihe Jean Paul ataraboneka”

Mu nzoga ashinjwa Bosebabireba azi Mutzig gusa

Kuri Fagitire aka kabari kahaye Theo n’ubu akigendana ashakisha Jean Paul, hariho inzoga z’amoko menshi ndetse nyinshi muri zo ngo ni ubwa mbere uyu muhanzi yari azibonye.

Theo Bosebabireba ahamya ko iyi Facture ahorana mu mufuka ari ikigeragezo cya Satani gusa ngo azagitsinda nabona Jean Paul

Ati “Ibi ni umugambi wa satani, njye sinywa inzoga. Izo zanditse kuri facture iyo namenye ni Mutzig gusa kandi nyizi kubera kuyibona mu icupa gusa. Ubu koko nanywa Warage ebyiri koko, izo mutzig bavuga se zo nazimara ndi umwe? Nubwo wenda bambeshyera bavuga ko nagiye kugurira abantu, ubwo koko najyana abantu mu kabari nta mafaranga yo kwishyura mfite?”

Kugeza ubu indangamuntu ya Bosebabireba iracyagwatiriwe muri aka kabari kubera ko atarishyura umwenda ashinjwa. Na we yahisemo kugendana iyi facture anashakisha uruhindu Jean Paul ari na we ashinja kuba nyirabayazana w’ibi byose.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza