Gukorana indirimbo n’Umuyisilamu ‘Ama-G’ kwa Bosebabireba ntibuvugwaho rumwe muri ADEPR

Yanditswe na

Munyentwari Patrick

Kuya 17 Ukwakira 2013 saa 07:55
Yasuwe :
0 0

Umuhanzi umenyerewe mu ndirimbo zihimbaza Imana, Theogene Uwiringiyimana (Bosebabireba) ntavuga rumwe n’ubuyobozi bw’itorero rya ADEPR kubw’indirimbo ye “Ingoma” aheruka gusubiranamo n’umuraperi w’umusilamu Am-G The Black.
Amakuru agera kuri IGIHE avuga ko umwe mu bayobozi ba ADEPR yabwiye urubuga Isange rusanzwe rwandika rwibanda ku bijyanye n’iyobokamana ati "Ntitwumva ukuntu umuhanzi nka Theo akorana indirimbo n’umusilamu utemera Yesu nk’umwami n’umukiza we. Twasabye umuyobozi ushinzwe (...)

Umuhanzi umenyerewe mu ndirimbo zihimbaza Imana, Theogene Uwiringiyimana (Bosebabireba) ntavuga rumwe n’ubuyobozi bw’itorero rya ADEPR kubw’indirimbo ye “Ingoma” aheruka gusubiranamo n’umuraperi w’umusilamu Am-G The Black.

Amakuru agera kuri IGIHE avuga ko umwe mu bayobozi ba ADEPR yabwiye urubuga Isange rusanzwe rwandika rwibanda ku bijyanye n’iyobokamana ati "Ntitwumva ukuntu umuhanzi nka Theo akorana indirimbo n’umusilamu utemera Yesu nk’umwami n’umukiza we. Twasabye umuyobozi ushinzwe iby’ubuzima bw’abahanzi muri ADEPR guhamagaza Theo akamusaba gusaba imbabazi kuko tutashobora kubyihanganira, kuko ni bitaba ibyo tuzamuhagarika rwose".

Bakomeza batangaza ko hari bamwe mu basengera muri ADEPR bavuze ko bamaze gutera icyizere uyu muhanzi Theo.

Uru rubuga ruvuga ko Mugabo Venuste uyobora Komite y’abahanzi ba ADEPR yavuze ko ‘abayobozi bakuru ba ADEPR bategetse ko Theo atazongera guhamagarwa kuririmba mu birori bihuza abanyetorero kuko ibyo yakoze babibonamo umugayo ukomeye’.

Umwe mu bayobozi ba ADEPR yatangaje ko atiyumvisha uburyo Theo yakoranye indirimbo n'uyu Ama-G kubera idini asengeramo

Aganira na IGIHE, Bosebabireba we yavuze ko aya makuru atayafata nk’impamo, agira ati “Kugeza ubu simbifata nk’ukuri kuko abavugwa bose mu binyamakuru ko nzahagarikwa ntacyo baranyibwirira, ariko bibaye ari impamo ndumva nta kosa naba nkoze, ntacyo umutima unshinja kuba narakoranye indirimbo na Ama G nta cyaha nakoze, kandi n’ubu niyo yansaba ko dukorana Album yose nabyemera”.

Yongeraho ati “Ahubwo nihagira n’undi uza ashaka ko dukorana indirimbo nzabyemera, gusa ndaza kwigisha (kujya) ku rusengero nibura ndebe niba hari icyo bambwira”.

Ama G The Black yabwiye IGIHE ko nta kibazo atewe no kuba yakorana na Théo nubwo ari umusilamu kandi yaririmbye indirimbo ivuga Yesu mu gihe idini ya Islam itamwemera nk’umwami n’umwana w’Imana.

Ati “Sinumva impamvu yambuza gushima Imana yampaye impano yo kuririmba, kuki ntakoresha ijwi ryanjye nyishima? Ese ko ndirimba ibindi kandi ari ijwi ry’Imana nkoresha”.

Si ubwa mbere umuhanzi wa Gospel akora indirimbo n’uririmba indirimbo zisanzwe kuko Alphonse Bahati wo muri ADEPR aheruka gukorana na King James, umudivantisiti w’umunsi wa karindwi, iyi ndirimbo ikaba yarakiriwe neza.

Imyidagaduro y’iyobokamana yo mu Rwanda imaze igihe ivugamo urwango, ishyari no kutishimirana hagati y’abahanzi, abanyamakuru n’abandi bafite aho bahurira nabyo.

MP3 - 7.5 Mb


KANDA HANO USHOBORE KUMVA

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza