Itorero ‘Isoko Imara Inyota’ ryahembye Bosebabireba kubera indirimbo ye byitiranwa

Yanditswe na

Joel Sengurebe

Kuya 8 Nyakanga 2014 saa 10:15
Yasuwe :
0 0

Mu gitaramo abahanzi b’indirimbo z’Imana bakoreye I Muhanga mu Itorero ‘Isoko Imara Inyota’, Uwiringiyimana Theogene bakunze kwita Bosebabireba, yahawe ishimwe kubera indirimbo yakoze akayita ‘Isoko Imara Inyota’.
Iki gitaramo cyabaye kuwa tariki 7 Nyakanga iri torero ryari ryagiteguye kuri iyi tariki kuko umubare 7 uvuga umwanzuro w’Imana. Bakaba barahisemo kugikora kuri uwo munsi nubwo hari mu mibyizi, iminsi itamenyerewe ku bategura ibitaramo.
Muri iki gitaramo cyarimo abahanzi benshi, Theo (...)

Mu gitaramo abahanzi b’indirimbo z’Imana bakoreye I Muhanga mu Itorero ‘Isoko Imara Inyota’, Uwiringiyimana Theogene bakunze kwita Bosebabireba, yahawe ishimwe kubera indirimbo yakoze akayita ‘Isoko Imara Inyota’.

Iki gitaramo cyabaye kuwa tariki 7 Nyakanga iri torero ryari ryagiteguye kuri iyi tariki kuko umubare 7 uvuga umwanzuro w’Imana. Bakaba barahisemo kugikora kuri uwo munsi nubwo hari mu mibyizi, iminsi itamenyerewe ku bategura ibitaramo.

Muri iki gitaramo cyarimo abahanzi benshi, Theo Bosebabireba niho yaherewe ishimwe n’iri torero ku bw’indirimbo yise “Isoko Imara inyota”.

Uretse Bosebabireba, hari abandi bahanzi baririmbye muri iki gitaramo aribo Thacien Titus, Uzamukunda Gorette, Nsengiyumva Jean Torero, Josue Jean DAMASCENE uzwi ku ndirimbo “Biri kumashyiga”.

Iki gitaramo cyabereye i Muhanga mu Murenge wa Shyogwe, kitabiriwe n’abantu benshi harimo abakristo b’iri torero ndetse n’abandi bantu baturiye aho urusengero ruri. Benshi bakaba baratangaje ko banejejwe n’abahanzi babataramiye.

Bishop Elise uyoboye itorero rya Isoko imara inyota ubwo yafataga ijambo muri iki gitaramo yashimiye cyane umuririmbyi Theo Bosebabirba kubera indirimbo ye yitwa ngo “Isoko imara inyota” kuko yitiranwa n’itorero kandi mu magambo ayigize hakaba harimo byinshi bihuye n’intego zaryo, maze amushyikiriza ibahasha irimo amafaranga y’u Rwanda ibihumbi Magana abiri.

Theo Bosebabireba aganira na Igihe yavuze ko yashimishijwe cyane n’iri shimwe yabonye anavuga ko ayihimba atari yatekereje ku izina ry’iri torero ariko nyuma agenda abibwirwa n’abantu birushaho kumushimisha bityo ahita avuga ko iyi ndirimbo ayihaye iri torero ngo ibabere inyikirizo yaryo.

Abahanzi uko bari bariyo bose bahawe akanya ko kuririmba dore ko n’indirimbo zabo bigaragara ko zizwi cyane aho nka Thacien Titus yasanze baramuhaye akazina ka “Mpisha mu mababa” imwe mundirimbo ze zikunzwe.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza