Kwamamaza Tigo_ P2P

Intore Tuyisenge yasohoye indirimbo iha ikaze Abanyarwanda bari ishyanga

Yanditswe kuya 17-09-2012 saa 07:00' na Richard Irakoze
     


Byinshi mu bihangano bya Tuyisenge Intore byibanda ku gutaka u Rwanda, kuvuga ibyiza byarwo, no kwerekana intambwe rugenda rutera mu iterambere ngo abari hanze yarwo barusheho kumenya aho rugeze. Ibi akavuga ko yasanze bikumbuza Abanyarwanda batarubamo igihugu cyababyaye, ari nayo mpamvu ubu uyu muhanzi yahimbye indirimbo nshya iha ikaze Diaspora Nyarwanda bifuza gutahuka.
Ubwo yasobanuraga IGIHE impamvu yahisemo guhimba iyi ndirimbo, Tuyisenge yagize ati ”Nyuma y’aho nkoreye indirimbo nise (...)

Byinshi mu bihangano bya Tuyisenge Intore byibanda ku gutaka u Rwanda, kuvuga ibyiza byarwo, no kwerekana intambwe rugenda rutera mu iterambere ngo abari hanze yarwo barusheho kumenya aho rugeze. Ibi akavuga ko yasanze bikumbuza Abanyarwanda batarubamo igihugu cyababyaye, ari nayo mpamvu ubu uyu muhanzi yahimbye indirimbo nshya iha ikaze Diaspora Nyarwanda bifuza gutahuka.

Ubwo yasobanuraga IGIHE impamvu yahisemo guhimba iyi ndirimbo, Tuyisenge yagize ati ”Nyuma y’aho nkoreye indirimbo nise “Unkumbuje u Rwanda”, namaze kubona ko Abanyarwanda batazaza mu Rwanda ngo baze nk’ibimanuka ahubwo ko bazaza nk’intore, bazaza bakirwe. Ubu nabahimbiye indirimbo bazaza baririmba.”

Tuyisenge avuga ko impamvu akunda guhimba indirimbo zivuga ku byiza bitatse u Rwanda ahanini zikangurira ababa hanze y’u Rwanda kugaruka mu Rwababyaye, ari uko asanga u Rwanda rugizwe n’abarutuyemo ndetse n’abari hanze yarwo.

Avuga kandi ko ubutumwa bwe bugamije gutuma buri Munyarwanda agaragaza uruhare rwe mu kubaka igihugu cyamubyaye.

Yagize ati ”Impamvu ni uko u Rwanda ari urw’abarurimo, abari muri diaspora n’abari hanze. Mba mbagaragariza ko uruhare rwabo rukenewe mu iterambere ry’igihugu nk’Abanyarwanda, bundi bwa wa mugani ngo ‘Imana ifasha uwifahishe’, kandi n’ak’i Muhana kaza imvura ihise”.

Tuyisenge Intore ni umwe mu bahanzi bakunze kumvikana mu ndirimbo zitaka ibyiza by’u Rwanda. imwe mu ndirimbo ze zamamaye cyane hirya no hino ku isi ni indirimbo yise ‘Tora Kagame’ indirimbo yifashishijwe mu kwamamaza Perezida wa Repubulika y’u Rwanda Paul Kagame mu matora y’umukuru w’igihugu mu 2010.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved