Urban Boyz irahurira mu gitaramo na Dj Cuppy ukorana na Jay-Z

Yanditswe na Munyengabe Murungi Sabin
Kuya 21 Kanama 2015 saa 10:37
Yasuwe :
0 0

Itsinda rya Urban Boyz rigizwe na Nizzo, Safi na Humble Jizzo niryo ryatoranyijwe mu bahanzi nyarwanda bagomba gufatanya na Dj Cuppy umukobwa w’umuhanga mu kuvanga imiziki.

Florence Ifeoluwa Otedola uzwi nka Dj Cuppy umaze kwamamara mu buryo bukomeye ku Isi kuri ubu ari mu Rwanda , mu gikorwa amazemo iminsi cyo kuzenguruka ibihugu bitandukanye bya Afurika aherekejwe n’itsinda rye.

Umunya-Nigeria Dj Cuppy ni umwe mu bakobwa bake muri Afurika bakora umwuga wo kuvanga imiziki no gutunganya indirimbo gukorana bamaze kwamamara ku Isi. Amaze gukorana n’ibihangange byinshi bitandukanye mu muziki wo ku Isi.

Mu ijoro ryo kuri uyu wa Gatanu tariki ya 21 Kanama 2015 aracurangira mu kabyiniro gakomeye i Kigali kitwa People Dance Venue ku Kacyiru aho ari buze gufatanya n’itsinda rya Urban Boyz naryo rihagaze neza mu muziki wo mu Rwanda.

Ku ruhande rw’abagize Urban Boyz, bahamya ko ari umwanya mwiza bahawe wo kwereka aba Banyanigeriya ko u Rwanda rufite umuziki uri ku rwego rukomeye.

Dj Cuppy na we yavuze ko afite inyota yo gucurangira mu Rwanda aho azafatanya na Urban Boyz gususurutsa Abanyarwanda binyuze mu gitaramo cyiswe ‘Dj Cuppy Takes Rwanda’.

Mu mwaka wa 2014 ni we wacuranze mu birori byo gutanga ibihembo bya kuri ubu ari MTV MAMAs, kuri ubu ari kwihugura mu gutunganya indirimbo i New York muri Roc Nation ya Jay-Z.

Uru ruhererekane rw’ibitaramo Dj Cuppy ari gukora rumaze kunyura mu bihugu bitandukanye birimo Nigeria, Senegal, Ghana , Kenya, Tanzania. Namara gucurangira mu Rwanda azahita yerekeza muri Uganda , hanyuma azasoreze muri Afurika y’Epfo.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza