Urban Boyz yakoranye indirimbo n’umuhanzi uri mu bayoboye Afurika

Yanditswe na Munyengabe Murungi Sabin
Kuya 11 Mutarama 2016 saa 08:11
Yasuwe :
0 0

Abagize itsinda Urban Boyz batangiye umwaka wa 2016 bihaye intego yo gukomeza umuhigo wo kuyobora abahanzi bari mu isiganwa ryo gushyira umuziki nyarwanda ku muvuduko wo hejuru mu iterambere ry’Isi.

Urban Boyz ni bo bahanzi bonyine muri uru rugendo rwo kwambutsa muzika nyarwanda imbibi z’u Rwanda bagerageje guhuza imbaraga n’abahanzi benshi bakomeye muri Afurika.

Nubwo bagiye bahura n’ibicantege byinshi mu kuzamura muzika yabo ngo bayitereke ku isonga ry’umusozi witwa ‘Biruhanya’ mu rugamba rw’iterambere, ubu bafite icyizere ko imbere habo ari heza.

Mu mwaka wa 2014 bakoze indirimbo yitwa ‘Tayali’ bafatanyije n’umuhanzi ukomeye muri Nigeria, muri 2015 bakorana na Timaya [na we wo muri Nigeria] indirimbo bise ‘Show Me Love’. Izi ndirimbo zombi zakunzwe ku rwego rukomeye ndetse Tayali yo yanabahesheje guhatanira ibihembo bya Hipipo Awards.

Safi, Nizzo na Humble Jizzo bagize Urban Boyz bakoze indi ndirimbo bahuriyemo na Patoranking, umwe mu bahanzi bubashywe muri iyi minsi muri Afurika. Patoranking mu ba mbere bakunzwe muri Nigeria ndetse abarirwa mu bafite amafaranga menshi muri iki gihugu.

Patoranking azwi mu ndirimbo ‘Alubarika ft Timaya’, ‘Girlie ’O’ Remix ft. Tiwa Savage’, ‘Daniella Whine’ n’izindi nyinshi. Benshi bamuzi kubera indirimbo yaciye ibintu ‘My Woman, My Everything’ yakoranye n’icyamamare Wande Coal.

Urban Boyz imaze gukorana indirimbo n'abahanzi icyenda bakomeye muri Afurika

Nizzo yabwiye IGIHE ko iyi ndirimbo bakoranye na Patoranking izajya hanze mu minsi ya vuba izaza ikurikiranye n’undi mushinga bakoranye na Good Life.

Yagize ati “Ubwo duheruka muri Nigeria twakoranye imishinga n’abahanzi batandukanye, twavuyeyo dukoranye na Timaya na Patoranking.”

Arongera ati “ Indirimbo yacu na Pato[Patoranking] , ntabwo twahise tuyishyira hanze kubera ko twari twateganyije ko igomba gusohoka inoze ku buryo abafana bazayishimira kurenza na za Tayali.”

Kuva muri 2010 kugeza ubu, iri tsinda rimaze gukorana indirimbo n’abahanzi icyenda bakomeye muri Afurika.

Patoranking wakoranye indirimbo na Urban Boyz

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza