Urban Boyz yatunguwe n’uburyo amashusho y’indirimbo akorwa muri Uganda

Urban Boyz yatunguwe n’uburyo amashusho y’indirimbo akorwa muri Uganda


Yanditswe kuya 10-02-2012 - Saa 06:46'

Kuba barabashije gukorerwa indirimbo eshatu mu cyumweru kimwe bakanazitahana, kuba barakoze n’amashusho y’izo ndirimbo zose, kuba barasanze Producer Washington akora indirimbo akayirangiza ku munsi ni imwe mu mikorere Urban Boyz bavuga ko yabatunguye mu muziki wa Uganda.

Alex Muyoboke, umujyanama w’iri tsinda, ari nawe wari wabaherekeje muri Uganda avuga ko umuziki w’u Rwanda hari byinshi wakwigira kuwa Uganda birimo gukunda akazi.

Muyoboke yagize ati : "Icya mbere navuga ni uko ubuhanzi bwo muri Uganda bwatwigisha gukunda akazi. Twamazeyo icyumweru kimwe dukora indirimbo 3 ; ari zo Be my wife ’BMW’, Take It Off, Njye Nawe (mu njyana ya Zouk)."

Aha Muyoboke atanga urugero ku buryo Producer Washington aba yifuza ko ibihangano yakoze bigomba kuza ari umwimerere we kandi bigakundwa.

Yagize ati : "Iyo akora indirimbo yawe aba yayigize iye ; iyo uririmba aba yandika amagambo, indirimbo we ayita iye, n’ubu aba ari kumbaza niba indirimbo yageze mu mateleviziyo yose. Natangajwe n’uburyo yinjira muri Studio saa mbiri za mu gitondo akayiguha saa tatu z’ijoro mwakoranye byose."

Muyoboke avuga ko kimwe mu by’ingenzi umuziki wo muri Uganda urusha uwo mu Rwanda ari uko bakora ibihangano bishobora kujyanwa ku rwego mpuzamahanga mu bucuruzi, kandi ko biba binogeye amatwi mu mitunganyirize yabyo kurusha iby’abanyarwanda.

Yagize ati : "Production yabo itandukanye cyane n’iyo mu Rwanda, bakora indirimbo ziri ku rwego mpuzamanga mu bucuruzi mu gihe mu Rwanda twe ducuranga indirimbo ziryohera amatwi ariko zitajyanwa ku isoko."

Muyoboke avuga ko izi ndirimbo yakoreye muri Uganda zishyuye amashilingi agera kuri miliyoni buri imwe imwe ni ukuvuga amanyarwanda agera ku bihumbi 300. Akazajya atangaho amafaranga make uko buri ndirimbo izajya iririmbwa ahantu hazwi kandi hakunzwe.

Uretse Producer Washington, Urban Boyz kandi bakoranye n’abandi baproducer bakunzwe muri Uganda nka ARK Menz uzwi cyane ku izina rya Meddy.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO