Abahanzi bashyize hamwe muzika nyarwanda yabona isoko- Makuza

Yanditswe na

Joel Rutaganda

Kuya 20 Kamena 2013 saa 09:09
Yasuwe :
0 0

Mu nama nyunguranabitekerezo kw’iterambere ry’ahazaza ha muzika mu Rwanda yateguwe na Minisiteri y’Umuco na Sport ifatanyije n’Ikirezi Group na The National Youth Council ‘NYC’, ku nshuro ya mbere yahuje abahanzi, abanyamakuru b’imyidagaduro, aba Djs, aba managers b’abahanzi, ndetse na buri muntu wese ufite aho ahurira na muzika kugirango hareberwe hamwe ikintu cyaba kidindiza muzika nyarwanda ndetse n’umuhanzi ku giti cye.
Makuza Laurent umuyobozi ushinzwe umuco muri minisiteri yatangarije abari (...)

Mu nama nyunguranabitekerezo kw’iterambere ry’ahazaza ha muzika mu Rwanda yateguwe na Minisiteri y’Umuco na Sport ifatanyije n’Ikirezi Group na The National Youth Council ‘NYC’, ku nshuro ya mbere yahuje abahanzi, abanyamakuru b’imyidagaduro, aba Djs, aba managers b’abahanzi, ndetse na buri muntu wese ufite aho ahurira na muzika kugirango hareberwe hamwe ikintu cyaba kidindiza muzika nyarwanda ndetse n’umuhanzi ku giti cye.

Makuza Laurent umuyobozi ushinzwe umuco muri minisiteri yatangarije abari muri iyo nama ko “Abahanzi aribo bagomba gufata iya mbere bakamenya agaciro ibihangano byabo bifite, ndetse bagafata ubuhanzi nk’akazi kandi gatunga umuntu”, yongeraho ko hagati y’abahanzi ubwabo bakagombye gutandukanya kuba umuntu ari umuhanzi ndetse n’umuririmbyi, gusa yizeza abari aho ko Minisiteri y’Umuco na Sport igiye gukurikirana ibyavugiwe mu nama byose.

Muri iyo nama hagaragajwe uburyo abahanzi bakabaye ari abafatanyabikorwa n’aba producers kuko aribo bashyira hanze igihangano kugirango kigere ku baturage, hongera kugaragaramo ko abahanzi nyarwanda bakihaye agaciro mbere y’uko ibigo byigenga bikabaha. Kuko usanga bitewe n’uburyo umuhanzi yifuza amafaranga usanga company runaka imufashe ikamugenera ayo ishaka aho we yagafashe iya mbere mugutanga igiciro ahagazeho, haje no kugaragara ikibazo cy’uko abahanzi badafite abayobozi ‘Managers’ usanga basa naho batazi agaciro bafite.

Makuza Laurent i buryo na Abdel-Aziz wari umuyobozi w'iyo nama.
Bamwe mu bari bitabiriye iyo nama
Abahagarariye ibigo byita ku bahanzi nabo bari muri iyo nama.
Clement, Knowless, Kate na Mani Martin inyuma bari bitabiriye iyo nama.
Mzee Makanyaga Abdul yari muri iyo nama.
Massamba Intore yari muri iyo nama nk'umwe mu bahanzi b'intararibonye.
Samputu na Makanyaga barimo kungurana ibitekerezo
Albert umuyobozi wa Radio Contact yari muri iyo nama.
King James yari mu bahanzi bitabiriye iyo nama.
Rurangwa Gaston uzwi ku izina rya Skizzy yari muri iyo nama.
Uyu musore yerekanye uburyo 'Iningiri' igiye kumujyana muri Amerika kubera uburyo ayicuranga, yanasabye inkunga igera ku bihumbi 50 kugirango abonye ibyangombwa by'inzira. uyu ni David Bayingana umufatiye micro.
Uyu ni Popo umunyamuziki mpuzamahanga ari kumwe na Albert
Bruce Melodie yari muri iyo nama.

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza