Buravan yashyize hanze indirimbo ikozwe mu ndimi enye zirimo ’Icyesipanyole’

Yanditswe na Uwiduhaye Theos
Kuya 30 Ukwakira 2018 saa 09:52
Yasuwe :
0 0

Yvan Buravan umenyerewe mu ndirimbo zizamura ibyiyumviro by’abakundana, yashyize hanze indirimbo yise ‘Si belle’ iri mu ziri kuri album ye ya mbere azamurika ku wa 1 Ukuboza.

Iyi ndirimbo yashyize hanze kuri uyu wa Kabiri, niwe wayiyandikiye, amajwi yayo akorwa Producer Bob naho amashusho akorwa na Meddy Saleh.

Iri mu ndimi enye zirimo; Ikinyarwanda, Igifaransa, Icyongereza ndetse n’Icyesipanyolo.

Yiganjemo ubutumwa bw’urukundo, aho Buravan aba agaragariza umukobwa ko nta wundi umuhiga mu buranga, ari uwigikundiro kandi abahiga bose.

Mu butumwa bwanditse ku mbuga nkoranyambaga ikimara kujya hanze, bugaragaza ko abantu bishimiye igihangano cy’uyu musore bikagaragarira no mu bitekerezo bisaga 30 bimaze kuyijyaho ku rubuga rwa Youtube.

Muri ibi bitekerezo hari nk’uwavuze ati “Komeza ube urugero rw’umuhanzi nyarwanda, uduhaye umuti utavangiye ureke za zindi ntavuze ziba zivangiye.”

Hari n’abandi bagiye bagaragaza ko banyuzwe mu bitekerezo batanze kuri iyi ndirimbo bakabumbira ibyishimo byabo mu mvugo imwe igira iti ‘Ntujya udutenguha’.

Yari aherutse gushyira hanze indirimbo yise ’Garagaza’ nayo iri mu zakunzwe n’ab’ingeri zose ndetse ku rubuga rwa Youtube ikaba imaze kurebwa n’abarenga ibihumbi 996.

Buravan ari kwitegura igitaramo gikomeye azakorera muri Kigali Conference and Exhibition (Camp Kigali) cyo kumurika album ye ya mbere yise ‘The love lab’ iriho n’iyi ndirimbo yashyize hanze.

Mu gitaramo cye yatumiyemo abahanzi barimo Charly na Nina, itsinda rya Active ndetse na AY wo muri Tanzania ushobora kuziyongera kuri aba bahanzi.

Iyi album iriho indirimbo cumi n’ebyiri yaririmbye wenyine n’izindi esheshatu yahuriyemo n’abandi bahanzi barimo A Pass wo muri Uganda nabo twavuze bazahurira nawe mu gitaramo cyo kuyimurika.

Kwinjira bizaba ari 5,000 Rwf ahasanzwe, 10, 000 Rwf mu myanya y’icyubahiro ndetse na 150, 000 Rwf ku meza y’abantu umunani.

Reba ’Si Belle’ ya Buravan

Buravan ari kwitegura kumurika album ye ya mbere
Indirimbo zizaba zigize album ya mbere ya Buravan yamaze kuzitangaza

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza