00:00:00 IGIHE NETWORK KN KINYARWANDA EN ENGLISH FR FRANCAIS

‘Diva Awards Afrika’ ibihembo bigiye guhabwa umwari n’umutegarugori witwaye neza mu Rwanda

Yanditswe na

Audace Willy Mucyo

Kuya 16 Gicurasi 2013 saa 10:22
Yasuwe :
0 0

Ku bufatanye na ABA Events, Afrique Events–Group, iri gutegura ibihembo byiswe ‘Diva Awards Afrika 2012-2013, aho bashaka guhemba umugore cyangwa umukobwa ufite ibikorwa bifatika kandi by’indashyikirwa yakoze mu Rwanda.
Nk’uko aya marushanwa asanzwe ategurwa hirya no hino ku isi, ayitwa ‘Diva Awards Afrika’ ni ubwa mbere agiye kubera mu Rwanda, aho hateganyijwe ibyiciro bitandukanye nk’Umuririmbyi w’igitsinagore “Category of Female Musicians”, “Role Model Divas” mu bijyanye n’Imikino ‘Sports’, (...)

Ku bufatanye na ABA Events, Afrique Events–Group, iri gutegura ibihembo byiswe ‘Diva Awards Afrika 2012-2013, aho bashaka guhemba umugore cyangwa umukobwa ufite ibikorwa bifatika kandi by’indashyikirwa yakoze mu Rwanda.

Nk’uko aya marushanwa asanzwe ategurwa hirya no hino ku isi, ayitwa ‘Diva Awards Afrika’ ni ubwa mbere agiye kubera mu Rwanda, aho hateganyijwe ibyiciro bitandukanye nk’Umuririmbyi w’igitsinagore “Category of Female Musicians”, “Role Model Divas” mu bijyanye n’Imikino ‘Sports’, Gukora ibikorwa bya kimuntu ‘Humanitarian work’, Kwambara no kuberwa ‘Fashion and style’, Itangazamakuru ‘Media/Press’, Ubucuruzi no kwihangira imirimo ‘Business/Entrepreneurship’, Kwiga ‘Academia’, Ibindi bikorwa biteza imbere abantu ‘Civil Society’, Ikoranabuhanga n’iterambere ‘Science and Technology’, Ikinamico, Filimi no kubikina ‘Theatre and Acting’, Ibikorwa rusange ‘Public Service’, hamwe n’Ibigo binini n’ibito ‘Small and Medium Enterprise Diva’ ndetse habeho n’Umuntu wagize igikorwa gikomeye yagezeho ‘Special Achievement Diva’.

Nk’uko ababitegura bakomeje babitangariza IGIHE, hazaba kandi no guhemba ibindi byiciro birimo ‘Rising Diva’ cy’abakizamuka muri muzika, ‘Cultural Music Diva’ cy’abaririmba indirimbo ziteza imbere umuco, ‘Diaspora Diva’ cy’abahanzikazi baba hanze y’u Rwanda, ‘Band Diva’ cy’itsinda ry’abahanzi b’igitsinagore , ‘Exceptional Video’ cy’amashusho adasanzwe y’indirimbo, ‘Outstanding Song’ cy’indirimbo yabiciye bigacika na ‘Best Collaboration’ cy’abahanzikazi bakoranye indirimbo nziza.

Ibi bihembo bizatangingirwa mu Ijoro ridasanzwe ‘Gala Night’ riteganyijwe kubera i Kigali muri Nzeri 2013, bikaba bitegurwa mu rwego rwo kuzamura imyumvire ko umwari n’umutegarugori bafite uruhare rukomeye mu iterambere ry’umuryango, igihugu ndetse n’isi yose muri rusange.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .