Indirimbo

Indirimbo "Kanda amazi" yateje umwiryane hagati ya Sam na Clement


Yanditswe kuya 19-05-2013 - Saa 16:01' na Joel Rutaganda

Mu gihe muri iki cyumweru hari hamaze gushyirwa hanze indirimbo yitwa "Kanda amazi" yakozwe n’abahanzi babarizwa muri label ya Kina Music, iyo ndirimbo ikaba yarakozwe na na Producer Clement ari nawe uhagaririye Kina Music, kuri uyu wa gatandatu mu kiganiro Star Forum haje gutangazwa ko iyo ndirimbo yaba yaribwe abandi bahanzi bitwa "Two 4 Real".

Producer Sam Lion wo muri studio yitwa "The beat" nk’uko yabitangaje mu kiganiro Star Forum kuri Radio Voice of afrika yagize ati, : "Nakoze indirimbo yitwa" imitobe", ndangije numva ngo hari indi ndirimbo yitwa "Kanda amazi", igitekerezo cyazanywe n’umu producer wa Video witwa "Maliva", gusa kuko atari umuririmbyi yayihaye abahanzi bitwa Two 4 Real, umuntu aramutse yumvise beat "ingoma" ni imwe ,amagambo ni amwe gusa uko byagenda kose indirimbo yacu nayo irasohoka abanyarwanda bose bayumve hanyuma buri wese akunde iyo ashaka".

Maliva we wazanye iki gitekerezo avuga ko ngo nta kibazo abibonamo yagize ati : "Indirimbo zose nizisohoka ntakibazo, kuko ubwo abahanzi baziyumvikanira, gusa kugeza ubu ubangamiwe ni Sam gusa."

Clement wakoze iyo ndirimbo yagize ati : "Ikibazo cya mbere ni ukumenya ngo indirimbo ni iyande, Maliva niwe ny’irindirimbo kuko ariwe ny’iri igitekerezo, Maliva yazanye indirimbo muri Kina Music itarangiye arayitwumvisha nari ndi kumwe na Christopher, Dream Boys, Jay Polly, Knowless kuko dukorana, turamubwira tuti iyi ndirimbo ni nziza turayikunze twebwe turayishaka." nyuma nibwo Maliva yaduhaye uburenganzira bwo kuyikora.

Kugeza ubu rero rukaba rwabuze hagati ya Clement ndetse na Sam.

Umva indirimbo "Kanda amazi" yateje umwiryane hagati y’aba Producers 2.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO