IGIHE.com twabagejejeho mu mafoto uko igitaramo cy’abahanzi bari mu irushanwa rya Primus Guma Guma Super Sta III cyaberaga hano Nyamagabe.

Igitaramo cyabereye mu Ntara y’Amajyepfo mu Karere ka Nyamagabe, Umurenge wa Gasaka, Akagari ka Nyamugari, umudugudu wa Kigarama mu kibuga cy’umupira w’amaguru.

Uko igitaramo cyagenze mu mafoto:

5: 20 PM : Dream Boyz niyo ishoje Roadshow yaberaga hano i Nyamagabe.

4: 54 PM Dream Boys nibo bahanzi bari kuririmba. Bari kugerageza kuririmbana n’abafana baririmba gusa hatiriwe bakoresha ibyuma.

Dream Boyz bagerageje kuririmbana n'abafana babo batiriwe bakoresha ibyuma

AGASHYA: Dream Boyz basabye abafana babo kuzamura amatelefone yabo bagahita babatora batiriwe bazarira.

Uhereye i Bumoso ni Mushyoma Joseph uzwi nka Bubu (umuyobozi wa EAP), Lil Pac (umunyamakuru) na Patrick Samputu, umwe mu bakozi ba BRALIRWA

Abafana ba kamichi banze kuripfana baza bitwaje ibyapa byanditseho amazina ye.

"Kamichi Kamichi" i Nyamagabe Kamichi yaje mu bahanzi bashimishije abafana benshi

4: 33 PM Kamichi niwe uri kuririmba. Aragaragaza ko akunzwe mu ndirimbo ze nka Warambeshye, Zubeda n’izindi.

Kamichi yagerageje kuririmba zimwe mu ndirimbo ze za kera zirimbo Zubega yaririmbanye na The Ben

4 : 13 PM : Hakurikiyeho umuhanzi Mico Prosper. Yinjiranye zimwe mu ndirimbo ze zishyushye nka Umutaka, Sinakwibagiwe n’izindi zihuta mu njyana yazo ya Afrobeat.

Mico Prosper aririmba yagaragaje gushyushya abafana be kurusha mbere

4: 11 PM : Senderi International Hit aririmbye zimwe mu ndirimbo ze za kera nka Jalousie, Twaribohoye n’izindi.

Ubwo Senderi yaririmbaga Rwabutabura, umufana ukomeye wa Rayon, yateruye Kanyombya abantu barumirwa

Ari kumanuka akabyinana n’abaturage n’abazungu, asabye abaturage kuzamutora kuri nomero 7. By’umwihariko uyu muhanzi ari gusaba ’Abareyo’ kuzamushyigikira akazabagurira abakinnyi 2.

Sender International Hit azanye Kanyombya ku rubyiniro baririmbana indirimbo “Abareyo Remix”

Senderi International Hit na Kanyobya

3: 58 PM: Umuhanzi Senderi International niwe ukurikiyeho aririmba. Ahereye ku ndirimbo Abareyo. Abantu hano hafi ya bose bahagurutse bashyigikira uyu muhanzi urangwa iteka n’udushya nk’uko abashyushya-birori babivuze.

Christopher ahamagaye umuraperi Danny Nanone baririmbana indirimbo "Iri Joro". Biragaragara ko abafana be bazi cyane izi ndirimbo za Christopher.

3: 42 PM : Umuhanzi Christopher niwe ukirikiye. Ari kuririmbana n’abafana be indirimbo’Iri Joro Ninjye Nawe’

Christopher abafana be bamugaragarije ko bazi indirimbo ze

3 : 40 PM Havuzwe ko Knowless nawe atabashije kwitabira PGGSS III kubera ko ari i London muri Rwanda Day.

N'ubwo Knowless atahabaye abafana be bari babukereye kumwereka ko bamushyigikiye

3: 38 PM : Fireman ntabashije kuboneka kuko yakoze impanuka

Impanuka yatumye Fireman ataza Nyamagabe gushimisha abafana be

3:22 PM : Umuraperi Riderman niwe uri kuririmba ahereye kuri "Umwana Uhiye", akurikijeho indirimbo yise "Horo". Biragaragara ko RIderman ari mu bahanzi bakunzwe hano Nyamagabe kuko abafana be bari kuririmbana nawe indirimbo ze.

Riderman aririmba

2:09 PM Umuraperi Danny Nanone niwe uri kuririmba.

Umuhanzi Danny Nanone aririmba

2: 53 PM Urban Boy nibo bagiye kuririmba. Bambaye kinyafurika. Baheye ku ndirimbo ‘Bibaye’

• Indirimbo Urban Boyz baririmbye ni Bibaye, Kerere, Supiriyani, Take It Off na Ibitege. Abantu hano bari kuririmbana nabo bagaragaza ko izo ndirimbo zizwi. Izi ndirimbo ziganjemo izivuduka cyane ku buryo abaturage bari kubyinana na Urban Boyz.

Urban Boyz baririmba bari bambaye imyenda ya kinyafurika

2: 28 PM: Umuhanzi Bull Dogg niwe utangije Roadshow ya hano Nyamagabe

Bull Dogg niwe watangije igitaramo i Nyamagabe

2:05 PM : Abahanzi bageze ku kibuga cy’umupira, ahari kubera igitaramo

• Kanyombya, Rwabutabura n’abafana ba Rayon Sport baje gufana no gushyigkira umuhanzi Senderi International Hit.
• 
  

  Rwarutabura-umufana ukomeye w'ikipe ya Rayon Sport yaje gushyigikira umuhanzi Senderi International Hit
  

  Kanyombya wambaye umweru afashe ku rutugu Lil Pac bakorana mu kiganiro cy'Abarezi kuri City Radio

1: 50 PM :

Igitaramo kiratangiye

Aba MC ni Dj Anita Pendo na Tino

1:45 PM : Mu mihanda abantu bari kwerekeza ahari bubere igitaramo.

Urujya n'uruza rw'abantu berekeza ahabera igitaramo mu Kibuga cy'umupira w'amaguru

Mwakoze!

Andi mafoto menshi kanda HANO

Foto: Joel Rutaganda

Amagambo: Richard Irakoze