Mun G wo muri Uganda agiye kuririmbira i Kigali mu gitaramo giherekeza 2016

Yanditswe na Kanamugire Emmanuel
Kuya 30 Ukuboza 2016 saa 09:22
Yasuwe : XX
0

Umuraperi ukomeye muri Uganda, Mungi Emmanuel Matovu [Mun G] agiye gutaramira abanyarwanda mu gitaramo giherekeza umwaka wa 2016 kizabera imbere y’inyubako ya Kigali Heights.

Mun G yamenyekanye cyane muri Uganda mu ndirimbo ’Sala Puleesa’, iyitwa ’Born Fighter’ yakoranye na Jose Chameleon, ’Big Bumpa’ n’izindi. Ni ku nshuro ya kabiri agera mu Rwanda.

Uyu muraperi agiye gususurutsa abanya-Kigali mu gitaramo cyiswe New Year’s Eve Countdown giteganyijwe kuba mu ijoro ryo kuri uyu wa Gatandatu tariki 31 Ukuboza 2016.

Mu kiganiro n’abanyamakuru cyabereye mu nyubako ya Kigali Heights, Mun G yavuze ko yishimiye kuza kuririmbira mu Rwanda no kuhasoreza umwaka yongeraho ko afite byinshi ahishiye abazitabira igitaramo cye.

Ati "Nishimiye cyane kongera kugaruka mu Rwanda, mfite byinshi mpishiye abazitabira igitaramo cyanjye i Kigali, tuzataramana twishimane kugeza mu wundi mwaka."

Igitaramo cya Mun G i Kigali kiri mu ruhurirane rw’ibyateguwe na kompanyi nshya mu gutegura ibitaramo mu Rwanda yitwa Kigali Count Down Events. Kizabera ku gihe kimwe n’icy’umuririmbyi w’icyamamare muri Congo, Antoine Christophe Agbepa Mumba [Koffi Olomide], we azaba aririmbira mu nyubako ya Kigali Convention Center.

Abazitabira iki gitaramo cyateguwe ku bufatanye na Mutzig Lite (Bralirwa) n’abandi baterankunga batandukanye, bazagira n’amahirwe yo gukurikirana iraswa ry’ibishashi(fireworks), hasozwa umwaka wa 2016.

Iki gitaramo kandi kizagaragaramo aba DJ bakomeye barimo DJ Focus, Bisoso, Chop, Cliff na Bisoso.

Igitaramo cya Mun G i Kigali kiri mu ruhurirane rw’ibyateguwe na kompanyi nshya mu gutegura ibitaramo mu Rwanda yitwa Kigali Count Down Events
Mun G yavuze ko yishimiye kuza kuririmbira mu Rwanda no kuhasoreza umwaka

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza