N’ubwo batishimiye uko yabanenze, TNP bongeye gukorana na Kamichi

Yanditswe na Dean Irak
Kuya 22 Kamena 2013 saa 03:52
Yasuwe :
0 0

Abagize itsinda rya TNP; Paccy na Tracy, baratangaza ko bongeye gukorana na Kamichi uherutse kubanenga abinyujije mu itangazamakuru, uburyo bo batishimiye.
Kamichi uzwi nk’uwandikira aba bahanzi indirimbo, aherutse kubanenga imyitwarire mibi irimo kunywa itabi, inzoga no kujya mu bagore cyane. Ibi yabinyujije mu kubivuga kuri imwe mu Radiyo akorera mu mujyi wa Kigali.
Tracy, Umwe mu bagize iri tsinda aganira na IGIHE, yagize ati “ Kamichi yadukosoye mu buryo butari bwo, ariko ntiyabikoze (...)

Abagize itsinda rya TNP; Paccy na Tracy, baratangaza ko bongeye gukorana na Kamichi uherutse kubanenga abinyujije mu itangazamakuru, uburyo bo batishimiye.

Kamichi uzwi nk’uwandikira aba bahanzi indirimbo, aherutse kubanenga imyitwarire mibi irimo kunywa itabi, inzoga no kujya mu bagore cyane. Ibi yabinyujije mu kubivuga kuri imwe mu Radiyo akorera mu mujyi wa Kigali.

Tracy, Umwe mu bagize iri tsinda aganira na IGIHE, yagize ati “ Kamichi yadukosoye mu buryo butari bwo, ariko ntiyabikoze kuko atwanga ahubwo, hari uko yifuzaga ko tumera, gusa yasabye imbabazi imiryango yacu kubera buriya buryo yakoresheje, ariko ubu tumeranye neza, n’ubu ari kutwandikira indirimbo”.

Umuhanzi akaba n’umwanditsi w’indirimbo, Bagabo Adolphe uzwi nka Kamichi, akaba ashinzwe no gufasha iri tsinda kumenyekana, yanenze aba basore kunywa inzoga bagasinda, ndetse anabasaba kugabanya abakobwa, bitaba ibyo ntakomeze gukorana nabo.

Nyamara Tracy akomeza avuga ko batigeze basindira mu tubari, ahubwo bajyaga mu kabari bagiye gutanga indirimbo zabo, kugira ngo zikinwe abantu bazimenye ariko akavuga ko batajyanwaga yo no kunywa ngo basinde.

Gusa ibi byose bisa nk’ibyirengagijwe, kuko ngo kuri ubu bakorana nta Kibazo, nubwo bigaragara ko itsinda TNP ritagaragara cyane mu itangazamakuru.

Kamichi, Umwanditsi n'umuhanzi w'indirimbo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza