The Mane yasinyishije umuhanzi mushya

Yanditswe na Nsengiyumva Emmy
Kuya 7 Ukwakira 2019 saa 11:20
Yasuwe :
0 0

The Mane ni inzu ifasha abahanzi,yasinyishije umuhanzi mushya Calvin Mbanda uherutse kugaragaza ubuhanga buhambaye mu kuririmba.

Kuri ubu The Mane ibarizwamo; Safi Madiba, Queen Cha, Marina na Jay Polly. Ubu bamaze kwiyongeraho umusore mushya mu muziki witwa Calvin Mbanda.

Calvin Mbanda ni umusore uherutse kwegukana irushanwa rya "Spark your Talent" ryari ryateguwe ba The Mane ifatanyije na sosiyete icuruza telefone, Tecno.

Kimwe mu bihembo uwatsinze iri rushanwa yari yemerewe harimo kumusinyisha muri The Mane. Kuri ubu uyu musore akaba yamaze kwinjira muri iyi nzu ndetse mu minsi mike ibihangano bya mbere bikaba biri bube byageze hanze.

Gahonzire Arstide uhagarariye inyungu za The Mane yahamije ko uyu musore yamaze kwinjira mu mu mubare w’abahanzi bafasha nyuma y’uko atsinze irushanwa bari bateguye.

Uyu musore yahawe amasezerano y’igihe kirekire kugira ngo afashwe gutera imbere ndetse na The Mane imubyaze umusaruro.

Calvin Mbanda ufite impano yo kuririmba ni ubwa mbere agiye gukora indirimbo, nkuko Gahonzire yabitangarije IGIHE. Uyu musore yari asanganywe impano ariko ataratangira kujya mu ma studio.

Ati "Indirimbo ya mbere agiye gukora ni iyi tugiye gukorana."

Ubusanzwe mazina y’uyu muhanzi ni Mbanda John Calvin. Yavukiye i Kigali ku Kimisagara mu 1999. Nyuma we n’umuryango we baje kwimukira mu karere ka Musanze aho yize kuva mu mashuri abanza. Amashuri yisumbuye yayarangije umwaka ushize wa 2018.

Calvin Mbanda ni umusore uherutse kwegukana irushanwa rya "Spark your Talent"

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza