Ba Nyampinga ba Rudasumbwa n’Abahanzi basuye urwibutso rwa Gisozi

Ba Nyampinga ba Rudasumbwa n’Abahanzi basuye urwibutso rwa Gisozi


Yanditswe kuya 13-04-2013 - Saa 11:08' na Joel Rutaganda

Kayibanda Aurore nyampinga w’ U Rwanda 2012, ndetse na bagenzi be bahagarariye za Kaminuza, ba Rudasumbwa ba Kaminuza ndetse n’abahanzi, basuye urwibutso rukuru rwa Gisozi ahashyinguwe imibiri y’abazize Jenoside yakorewe Abatutsi mu 1994.

Ku wa gatanu tariki ya 12 Mata 2013, nibwo igikorwa cyo gusura urwibutso rukuru rwa Gisozi cyabaye, urwo rubyiruko rukaba rwarasobanuriwe amwe mu mateka yaranze U Rwanda mu 1994 kugeza mu 2013.

Mutanguha Freddy uhagarariye urwibutso, yavuze ko kugeza ubu urwibutso rushaka kongerwa ubunini bitewe n’umubare w’abaza kuhasura ugasanga ari hato hadahagije. Freddy yagize ati: “Umubare w’abantu bazaga mbere siwo kugeza ubu uza, kuko hamaze kugaragara umubare muremure cyane uza utugana, akaba ariyo mpamvu k’ubufatanye na Leta duteganya kwagura urwibutso dore ko igishushanyo mbonera cy’uko hazubakwa kimaze kujya ahagaragara”.

Nsengimana Jean Philibert minisitiri w’urubyiruko yashimiye ba Nyampinga, ba Rudasumbwa ndetse n’abahanzi bagize uwo mutima wo gusura urwibutso rukuru rwa Gisozi. Yakomeje agira ati: “Urubyiruko ahanini nirwo rwafashe iya mbere mu gutsemba imbaga y’Abatusti, ubu rero nimwe mukwiye kongera kubaka igihugu cyanyu cy’U Rwanda”.

Amwe mu mafoto yaranze ibyabereye ku Gisozi

Aurore afata umunota wo kwibuka
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO