DJ Bob na  DJ Zizou barashinjanya amarozi

DJ Bob na DJ Zizou barashinjanya amarozi


Yanditswe kuya 15-03-2013 - Saa 12:34' na Joel Rutaganda

Dj Bob na Dj Zizou, bamwe mu bazamura muzika nyarwanda, kuko usanga abahanzi benshi bamenyekana kubera akazi abo bombi bakoze, kuri ubu hagati yabo barashinjanya amarozi.

Nubwo hatagaragazwa uburyo DJ Bob ashinja Dj Zizou kuroga, Dj Zizou yanditse ku rubuga rwa facebook agaragaza ko icyo kibazo gihari ndetse agiye kuzamurega.

Dj Zizou kuri facebook yagize ati ”Aho bigeze ngiye kwitabaza inzego z’ubutabera, kuko sinibaza impamvu Dj Bob anyita umurozi nkaho hari umuntu azi naroze".

Nyuma yo kubona aya magambo yanditswe, IGIHE yaganiriye na Dj Bob yanga kugira byinshi avuga, ati"Ndumva ndushye abantu bakomeza kumbaza ibyo bibazo kuri Zizou, kuko kubivugaho nibwo ndimo kurushaho kumukorera promotion".

Ubwumvikane ni buke hagati y'aba ba Djs bombi

Impamvu bamwe mu bahanzi bavuga intandaro y’umwuka mubi hagati ya DJ Bob na Zizou, ari uko kuri ubu Dj Zizou arimo gukoresha imbaraga nyinshi mu kuzamura abahanzi, akorana indirimbo n’abahanzi batandukanye kandi zikaza zikunzwe. Urugero batanze indirimbo “Bagupfusha ubusa” yahuriwemo n’abahanzi bose bakunzwe mu Rwanda.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO