Green P avuga ko abangamiwe n’itangazamakuru ritazamura indirimbo ze

Green P avuga ko abangamiwe n’itangazamakuru ritazamura indirimbo ze


Yanditswe kuya 1er-01-2013 - Saa 12:36' na Vénuste Kamanzi

Green P, umwe mu bagize itsinda rya Tuff Gangs, avuga ko mu buhanzi bwe abangamiwe cyane no kuba asohora indirimbo nyinshi ariko ugasanga zidakinwa ku maradiyo ngo zikundishwe abafana.

Umuraperi Green P

Aganira na IGIHE ku mpamvu usanga bagenzi be (Jay Polly, Bulldogg na Fireman) bumvikana cyane muri muzika yo mu Rwanda ariko we ugasanga yumvikana hake, yavuze ko nta na kimwe abura ndetse n’indirimbo azisohora kenshi icyakora zigahura n’imbogamizi y’uko ku maradiyo zidakinwa cyane ngo abafana bazumve.

Twatangiye tumubaza impamvu atekereza ituma indirimbo ze zidakinwa cyane ku maradiyo kandi aba yazisohoye akanazibaha,

Green P : Simbizi

Igihe : Wumva bitazaguca intege bikaba byatuma uzageraho ugahagarika umuziki ?

Green P : Umuziki ni impano yanjye, njye nkora umuziki ni wo mwuga wanjye, ni ibintu nkunda, ndawukora kandi nzakomeza kuwukora.

Igihe : Ni iki wasaba abakunzi bawe ?

Green P : Bakomeze bumve ubutumwa n’ibyiyumviro nyurabwenge (Philosophy) mbaha mu ndirimbo zanjye. Njyeewe n’iyo ndi kuri ‘stage’ sinjya mbwira abantu ngo amaboko hejuru ahubwo mbasaba gushyira amatwi ku ndangururamajwi kugira ngo bumve ubutumwa.

Igihe : Uri umwe mu bantu bagize uruhare mu guteza imbere Hip hop ya hano mu Rwanda, ubona iyi njyana imaze kugera aho mwifuzaga ?

Green P : Urwego Hip hop imaze kugeraho ntabwo ari yo twifuzaga ariko irimo kugana aho twifuzaga kuko twifuzaga kugeza Hip hop nyarwanda ku rwego rwo hejuru.

Tugenda dutera intambwe ku yindi, ariko kandi Hip hop imaze gukora ikintu kuko urebye ukuntu ibitaramo bya Hip hop muri iyi minsi birimo kwitabirwa wareba ukuntu nka Riderman ajya kuririmba abantu bagasara, Tuff gang yajyaho abantu bagasara, uhita ubona ko Hip hop imaze kugera ahantu hashimishije ariko turacyashaka ko ikomeza gutera imbere.

Green P iyo aririmba ngo ntasaba abantu guhaguruka ahubwo abasaba kumva
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO