Hagowe abo nzafatana indirimbo zanjye muri mudasobwa-Kamichi

Hagowe abo nzafatana indirimbo zanjye muri mudasobwa-Kamichi


Yanditswe kuya 26-11-2012 - Saa 18:37' na Vénuste Kamanzi

Umuhanzi Kamichi arateganya ko mu mwaka utaha wa 2013, atazongera gusohora indirimbo nyinshi nk’uko byari bisanzwe, ahubwo azaba agurisha umuzingo we “Ubumuntu”, ariko ngo uwo azasangana indirimbo ziowuriho atabyemerewe azamuca amafaranga akeneye mu muziki we wose.

Kamichi aganira na IGIHE yatangaje ko kubera ko amaze imyaka ine akora amanywa n’ijoro, akanitabira ibitaramo byinshi, umwaka utaha yawuhariye kuruhuka no kwiga ubundi buryo yajya akoramo umuziki we bitandukanye n’ibisanzwe, nta muzingo ateganya gusohoramo, azanagabanya n’umuvuduko yakoreshaga mu gusohora indirimbo.

Yihanangiriza abamenyereye kwiba indirimbo ko azabahagurukira, ati “umuntu nzasangana indirimbo yanjye azambwira aho yayikuye, nzamufungisha, azampa amafaranga nkeneye mu muzika wanjye wose.”

Gusa ashimangira ko kuba azagabanya umuvuduko wo yari afite mu muziki bitavuze ko nta ndirimbo azongera gusohora, kuko ngo kugeza ubu amaze gusohora indirimbo eshanu gusa muri uyu mwaka, kandi umuzingo we Umugabirwa uzaba uriho indirimbo 12, bityo ngo hari izindi 7 abantu batazi, akaba ari zo azagenda atanga gake gake.

Kamishi yatangaje ko mu bbindi bizatuma nta muzingo ashyira hanze, harimo n’uko uburyo imizingo imurikwamo abantu bamaze kubihaga.

Tumubajije kubivuga ko nawe ashobora kwerekeza muri Leta Zunze Ubumwe z’Amerika, Kamichi yatangaje ko ari uburenganzira bwe kujya aho ashaka, gusa kugeza ubu nta gahunda ya byo afite kuko agifite amasomo azarangiza mu myaka ibiri iri imbere, kandi akaba agifite no gushyira ingufu mu muziki we.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO