Salax Awards : Ikurwaho ry’ibyiciro bya producers ntaho bihuriye n’igenda rya Lick Lick-Ikirezi

Salax Awards : Ikurwaho ry’ibyiciro bya producers ntaho bihuriye n’igenda rya Lick Lick-Ikirezi


Yanditswe kuya 17-01-2013 - Saa 07:40' na Vénuste Kamanzi

Mu gihe abahanzi n’abakunzi b’umuziki nyarwanda bategerezanije amatsiko intoned z’abahanzi bazahatanira ibihembo bya Salax Awards, ibyiciro cy’abatunganya indirimbo mu majwi no mu mashusho byakuweho, abantu batangira kuvuga ko ari uko Lick Lick atakibarizwa mu Rwanda.

Ibi ariko Emma Claudine Ntirenganya, umuyobozi wa Ikirezi Group itegura Salax Awards, yabwiye IGIHE ko nta bucuti bwihariye bafitanye na Lick Lick kandi ko badashobora gukuraho cyangwa gushyiraho icyiciro bashingiye ku muntu umwe gusa.

Ati “Iyo ibintu bibaye abantu batangira gukeka ibindi byinshi, ntitwabura uwo tugiha kuko n’ubwo yagiye[Producer Lick Lick] ntabwo indirimbo zahagaze gukorwa, icyiciro cya producer nticyabura abakijyamo barahari benshi.”

Ntirenganya avuga ko impamvu yatumye hakurwaho iki cyiciro cy’abatunganya indirimbo ari uko usanga uruhare rwabo rugaragara muri Salax Awards yose muri rusange kuko aribo bakorera abahanzi bose bityo ngo n’ubwo nta gihembo bazongera guhabwa bakaba bari bakwiye guhabwa ishema n’uko abahanzi runaka bakoreye iindirimbo begukanye ibihembo bitandukanye.

Ati “Ubwo umu producer w’umuhanga cyangwa wakoze cyane tuzamurebera ku ndirimbo y’umwaka, album y’umwaka, umuhanzi w’umwaka n’abandi.”

Emma Claudine yongera gushimangira ko atari ikibazo cy’ubushobozi cyangwa gupfobya abatunganya indirimbo nk’uko byatangiye kuvugwa.

Kandi ngo nk’uko bajya batanga amashimwe ku bantu runaka bagize uruhare ku iterambere rya muzika nyarwanda, hari igihe n’abatunganya indirimbo bajya bashimirwamo.

Lick Lick niwe umaze wegukana ibihembo byinshi mu cyiciro cy’abatunganya indirimbo z’amajwi muri Salax Awards kuva zatangira muri 2008, ndetse n’igiheruka cy’umwaka wa 2011 niwe wacyegukanye.

Twabibutsa ko muri Salax Awards z’umwaka wa 2012 noneho hongewemo icyiciro cyo gushimira Abanyarwanda bakorera umuziki wabo hanze y’u Rwanda nabyo birimo guteza impaka, ko bishobora kuba bituruka kuri The Ben, Meddy, Alpha Rwirangira,Ally Soudy Lick Lick, K8 Kavuyo, Emmy n’abandi basigaye batuye muri Leta Zunze Ubumwe z’Amerika.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO