Indirimbo “Freedom” ya Ben Kayiranga ku mwanya wa 5 muri 20 zahinduye isi

Indirimbo “Freedom” ya Ben Kayiranga ku mwanya wa 5 muri 20 zahinduye isi


Yanditswe kuya 4-02-2013 - Saa 15:32' na Richard Irakoze

BBC News Magazine, yashyize ku mwanya wa gatanu indirimbo “Freedom” y’umuhanzi nyarwanda Ben Kayiranga ku mwanya rutonde rw’indirimbo 20 zagize uruhare runini mu guhindura isi, urutonde rwashyizwe ahagaragara ku wa 31 Mutarama 2013.

Uru rutonde rwakozwe habazwa abasomyi ba BBC News Magazine, ikibazo kigira kiti “Ese koko indirimbo ihindura isi ?” Ibihumbi n’ibihumbi by’abasomyi barashubije, hatorwamo indirimbo 20 zagarutsweho na benshi bagaragaza ibimenytso bifatika.

Ben Kayiranga

Izi ndirimbo zatowe ziganjemo izahimbwe mu myaka 50 ishize.

Imwe muri zo ni iyitwa “Goettingen” y’umuhanzi w’Umudage witwa Barbara, ikaba yaragize uruhare mu kubaka umubano mwiza hagati n’u Budage n’u Bufaranga.

Reba "Freedom" y’umuhanzi Ben Kayiranga :

Ku ndirimbo Freedom ya Ben Kayiranga, bagaragaje kimwe mu bitekerezo byatanzwe n’umusomyi witwa Rafiki Ubaldo uba Knivsta muri Suede wagize ati “Indirimbo Freedom ya Ben Kayiranga yarwaniraga impinduka mu myaka y’1997 nyuma ya Jenoside mu Rwanda. Iri mu njyana ya Dancehall ivanzemo Reggae, ariko ifite amagambo y’ubutumwa.”

Yongeyeho ati “Si uko wenda amagambo yanditse mu Kinyarwanda, Igifaransa n’Icyongereza ; ahubwo ni ubutumwa itanga igira iti ubwisanzure ku baturage, ubwisanzure iteka ryose, ubwisanzure. Urubyiruko rukeneye ubwisanzure, abana bakeneye ubwisanzure. Kandi wenda si n’ubutumwa gusa kuko ibyo bitari bishya mu Rwanda, ahubwo ni uko yabutanze mu gihe gikwiye. Iyi ndirimbo yatanze ihumure n’inseko ku gihugu cyose, ku buryo iyo u Rwanda ruza kuba ari isi yose wahamya ko iyi ndirimbo yahinduye isi.”

Abinyujije ku rubuga rwa Twitter, Ben Kayiranga ubu uri mu Bufaransa yagaragaje ko yishimiye kuba yaje kuri uru rutonde. Yatangaje ko ashimira cyane umuhanzi Jean Christophe Matata avuga ko yamufashije kugeza iyi ndirimbo kuri BBC News Magazine.

Bamwe mu bahanzi bakoze indirimbo zigahindura isi

Dore urutonde rw’izi ndirimbo 20 n’abazihimbye :

1. Free Nelson Mandela ya The Specials (1984)

2. Nuit et Brouillard (Night and Fog) ya Jean Ferrat Barbara (1963)

3. People Get Ready ya Curtis Mayfield (1965)

4. Feed the World ya Band Aid (1984)

5. Freedom ya Ben Kayiranga (1997)

6. Am Yisrael Chai (The People of Israel Live, the Father Lives) ya Shlomo Carlebach

7. Strange Fruit ya Billie Holiday (1939)

8. Ue O Muite Aruko (I Will Walk Looking Up, 1961) ya Sukiyaki (1963)

9. Amazing Grace ya John Newton (1772)

10. We Shall Overcome ya Joan Baez (1963)

11. Lili Marlene ya Marlene Dietrich (1939)

12. Glad to be Gay ya Tom Robinson Band (1976)

13. A Change Is Gonna Come ya Sam Cooke (1963)

14. Blowin’ in the Wind ya Bob Dylan (1962)

15. 99 Luftballons ya Nena (1984)

16. Looking for Freedom ya David Hasselhoff (1989)

17. Sunday Bloody Sunday ya U2 (1983)

18. L’Internationale, Indirimbo yo kwibohora yakoreshejwe cyane mu kinyejana cya 19

19. Graceland ya Paul Simons’ (1986)

20. Imagine ya John Lennon (1971)

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO