Bac-T yagize icyo atangaza ku bukwe bwe bwabereye rimwe n’ubwa mushiki we, mu birori bimwe

Yanditswe na

Hamenya John Robert

Kuya 7 Ukwakira 2013 saa 05:39
Yasuwe :
0 0

Umuraperi Bac-T, ubusanzwe witwa Nkubiri Gerald, umaze icyumweru ashyingiwe na Rugina Gabriela, ubu bukwe bwe bukaba bwarabereye umunsi umwe, mu birori bimwe n’ubwa mushiki we witwa Nkubiri Esther.
N’ubwo Bac-T, igihe cye kinini akimara mu muziki no mu itangazamakuru cyane, atangariza ko umugore we, Gabriela, ntaho ahuriye n’umuziki, kandi ko nta n’aho ahuriye n’itangazamakuru nk’uko byashoboraga guhita bikekwa.
Bac-T yabwiye IGIHE ko nyuma y’ubukwe ameze neza, kandi ko ari ibyishimo bisa mu (...)

Umuraperi Bac-T, ubusanzwe witwa Nkubiri Gerald, umaze icyumweru ashyingiwe na Rugina Gabriela, ubu bukwe bwe bukaba bwarabereye umunsi umwe, mu birori bimwe n’ubwa mushiki we witwa Nkubiri Esther.

N’ubwo Bac-T, igihe cye kinini akimara mu muziki no mu itangazamakuru cyane, atangariza ko umugore we, Gabriela, ntaho ahuriye n’umuziki, kandi ko nta n’aho ahuriye n’itangazamakuru nk’uko byashoboraga guhita bikekwa.

Bac-T yabwiye IGIHE ko nyuma y’ubukwe ameze neza, kandi ko ari ibyishimo bisa mu muryango we.

Bac-T yasobanuye kandi impamvu nyamukuru zatumye we na mushiki we bahuriza ubumwe hamwe, icyarimwe, mu birori bimwe, avuga ko byagombaga kwitabirwa n’abantu benshi baturutse hanze y’u Rwanda, kandi ubukwe bwasanga n’ubwegeranye, nuko bahitamo kubihuriza hamwe.

Ati "Twaje kuganira twumvikana ko twabikorera umunsi umwe kandi bose baraje barishima."

Soma ikiganiro kirambuye yagiranye na IGIHE:

IGIHE: Umunsi w’ubukwe bwawe wawakiriye gute?

Ba-T: Wagenze neza cyane, abantu baraje turishima kandi bigenda neza uko twari twabiteguye.

IGIHE: Wakiriye gute gushyingirirwa umunsi umwe na mushiki wawe?

Ba-T: Ni byiza cyane kuko abantu benshi bumvaga ko ari ibintu bidasanzwe gushyingira abantu babiri bavuye mu muryango umwe icyarimwe kandi ahantu hamwe.

IGIHE: Kuki mwifuje ko bibera umunsi umwe n’ahantu hamwe?

Bac-T: Ubundi ubukwe bwacu ntibwari kubera rimwe; hari kubanza ubwanjye mu kwa cyenda (Nzeri) nyuma hakazaba ubwa mushiki wanjye bwari kuba mu kwa cumi n’abairi (Ukuboza), ariko twaje kubiganiraho mubwira ko twabihuza abantu bakaza icyarimwe aranyemerera.

Twari twabivuganyeho na mushiki wanjye; ni ibintu nakiriye neza kandi byitabiriwe n’abantu benshi baturutse muri Kenya Tanzaniya, mu Buhinde, mu Bwongereza mbese byari kutugora cyane gukora ubukwe iminsi itandukanye ariko twaje kuganira twumvikana ko twabikorera umunsi umwe kandi bose baraje barishima.

Umuraperi Bac-T ari kumwe n'umugore we Gabriella

IGIHE: Ubu urugo rushya rwo rwifashe rute?

Ba-T: Birashimishije cyane; ndi kumwe n’umwana wanjye n’umugore wanjye, mbese sinzi uko nakubwira ni ibyishimo gusa. (Aseka) Ahubwo navuga ko maze kwiyongera ibiro nka bitanu kubera kumva merewe neza cyane!

IGIHE: Umugore wawe yaba hari aho ahuriye n’ubuhanzi?

Ba-T: Ntaho ariko afite impano yo kuririmba buri munsi njya mubwira ngo ashobora kuririmba ariko iyo agerageje numva afite ijwi ryiza cyane ariko we ntabikunda azajya amfasha kugira ngo ibintu bigende neza muri management (bujyanama) yanjye gusa. Ariko ubusanzwe ni n’umufana wanjye (aseka)….

IGIHE: Ntaho ahuriye se n’itangazamakuru?

Bac-T: Hahhahah.. Oya, ntaho pe. Ni umuntu usanzwe, akora mu muryango utegamiye kuri Leta (NGO) mu bindi bintu bidafite aho bihuriye n’umuziki.

Mushiki wa Bac-T nawe yakoreye ubukwe rimwe na musaza we babuhuriza ahantu hamwe

IGIHE: Mwamenyanye gute?

Bac-T: Twamenyanye kera cyane hashize nk’imyaka itanu, twamenyanye nk’inshuti tugeramo no gukundana nuko nyuma urukundo rwacu ruza gukomera twemeranya kubana, ari byo duheruka gukora.

IGIHE: Ni nk’iki ajya agufasha mu muziki?

Bac-T: Ubu yanyemereye kuzamfasha mu gutunganya Album yanjye, azangira inama anankorere ibifuniko (cover) bya Album ngiye gusohora.

IGIHE: Nnyuma y’ubukwe ni izihe gahunda ufite z’umuziki?

Bac-T: Album yagombaga gusohoka mbere y’ubukwe ariko byabaye ngombwa ko nyishyira nyuma y’ubukwe. Ubu niyo gahunda ndimo, umugore wanjye namara kumpitiramo amafoto nzakoresha, akanankorera ibyi bifuniko ndahita nyishyira ku isoko.

Ubu gahunda zanjye zose ziri imbere zirangajwe no gukora umuziki. Ntabwo ngiye gushyira indirimbo nyinshi hanze ariko Album nise “Reality Check” ngiye kuyishyira hanze, ikazaba igizwe n’indirimbo 14. Ndacyanakora indirimbo nyinshi zinyuranye ubu maze gukora indirimbo 5 za Dancehall, nkaba nteganya kurangiza izindi vuba hanyuma nyishyire hanze.

Umwana wa Bav-T na Gabriela

IGIHE: Ibyamamare bindi bijya bikunda gutinya gushyingirwa, wowe warabikoze, uranavuga ko byakuguye neza, wababwira iki?

Bac-T: Ikintu cya mbere, abantu baba batinya nanjye natinyaga mbere ugatekereza ngo nimara gushaka nzahita nta gahunda z’ubujene (za gisore) ariko biratandukanye; ushobora gushaka umugore ugakomeza gukora ibya gisore nk’ubuhanzi kwidagadura, kujya mu bitaramo n’ibindi.

Ikindi nababwira ni uko bakwiye kuva mu bugaragu bagashyingirwa, bagerageze kuko hano hanze hari ibishuko kandi bagomba guhinduka ntabwo ari ibintu bikanganye biteye ubwoba ndakubwiza ukuri numva maze kwiyongeraho nk’ibiro bitanu.

bac-T mu bukwe bumwe na mushiki we

IGIHE: Ni gute watekereje guhimbira umugore wawe indirimbo?

Bac-T: Numvise ku munsi w’ubukwe namutungura, kandi narabikoze. Namuhimbiye indirimbo nanyimuririmbira LIVE mu bukwe. Ubu namaze no kuyisohora, nayise “Iwant to marry you”.

IGIHE: Murakoze

Bac-T: Murakoze namwe.

Umva indirimbo Bac-T yahimbiye umugore we:



KANDA HANO USHOBORE KUMVA

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza