Umunyarwenya Arthur arifuza kurushaho gusakaza impano ye yo gusetsa

Yanditswe na

Audace Willy MUCYO

Kuya 16 Werurwe 2013 saa 01:11
Yasuwe :
0 0

Umwe mu bashyushyabirori, uzwiho umwihariko wo gukunda gusetsa cyane, avuga ko hari abantu benshi badaha agaciro impano yo gusetsa nyamara ishobora gutunga nyirayo.
Mu kiganiro kirambuye yariranye na IGIHE, NKUSI Arthur yavuze ko amaze kugera muri Leta Zunze Ubumwe z’Amerika no muri Scotland (mu Bwongereza), kubera imwe mu makinamico yakinnyemo muri Mashirika, rimwe mu matorero agaragarizamo impano ye yo gusetsa.
Arthur avuga ko hari benshi mu bamwumva bakunze kumutangarira bavuga ko (...)

Umwe mu bashyushyabirori, uzwiho umwihariko wo gukunda gusetsa cyane, avuga ko hari abantu benshi badaha agaciro impano yo gusetsa nyamara ishobora gutunga nyirayo.

Mu kiganiro kirambuye yariranye na IGIHE, NKUSI Arthur yavuze ko amaze kugera muri Leta Zunze Ubumwe z’Amerika no muri Scotland (mu Bwongereza), kubera imwe mu makinamico yakinnyemo muri Mashirika, rimwe mu matorero agaragarizamo impano ye yo gusetsa.

Arthur avuga ko hari benshi mu bamwumva bakunze kumutangarira bavuga ko ashobora kuba ari umunyamahanga, kandi mu by’ukuri ari umunyarwanda.

Umunyarwenya 'Nkusi Arthur'

Ubu Arthur akora kuri Radio KFM, nk’umunyamakuru, agakora ibiganiro akunda kumvikanamo asetsa.

Soma ikiganiro kirambuye yagiranye na IGIHE:

IGIHE: Arthur umenyerewe nk’umwe mu basetsa ba hao mu Rwanda, watwibwira ku buryo burambuye?

Arthur: Amazina asanzwe ni Nkusi Arthur. Mfite imyaka 23, ndi mwene Mazimpaka Johns Kennedy na Herriet Kibuka amashuri abanza nayize “La Colombiere”, ayisumbuye nayatangiriye i Remera “Martyrs” nyarangiriza kuri Lycee de Kigali.
Nabanje kwiga i Butare, Agro-Business mpamara imyaka ibiri, ubu ndi kwiga muri “Maunt Kenya”.

IGIHE: Tubwire ku bijyanye n’impano zawe?

Arthur: Impano yanjye ndi umubyinnyi (Danse comptampolaine) nkaba ndi n’umutoza ‘Choreographer’. Ndi umukinnyi (Actor) kuri stage no mu mafilme. Ndasetsa (comedian). Ndanaririmba ariko ntabwo nkunda kubivuga. Ndi n’umunyamakuru (Radio presenter).

IGIHE: Ni gute winjiye muri Mashirika?

Arthur: Nagiyemo mu mwaka wa 2004, ubwo iri torero ryari rafite umukino muri Stade Amahoro mu kwibuka Jenoside yakorewe abatutsi ku nshuro ya cumi. Icyo gihe nari umwe mu bakinnyi b’ibanze. Uwo mukino waje gukundwa ijyanwa muri Scotland mu 2005, mu mwaka wa 2006 nabwo waje kujyanwa mu Bwongereza, gukundwa kw’iyi kinamico byatumye mu 2008 yongera kwerekanwa mu Bwongereza. Mu 2012 nabwo twagiye muri Los Angeles muri Leta Zunze Ubumwe z’Amerika.
Muri mashirika aho niho natangiriye kugaragariza impano yanjye nk’umukinnyi w’amakinamico usetsa.

IGIHE: Watangiye gusetsa ryari?

Arthur: Byatangiye mu 2010, ubwo twari turi kumwe n’inshuti zanjye mu myitozo y’ikinamico isetsa waberaga ku Ishyo Arts Center-Kacyiru nuko dusanga dufite impano. Nibwo twahise dushinga itsinda rya Comedy nuko riza gukomera ntangira no kujya kuri Radio.

IGIHE: Ese wowe ubona impano yo gusetsa waba uyikura hehe?

Arthur: Mu muryango wanjye; data ni umukinnyi (Actor) muri Mashirika. Ariko kandi mfite abantu nemera muri Comedy kandi nkunda kureba bakantera inganzo. Hari uwitwa Kevin Hart, Piter Russel. Nibo bantu ndeba nkumva nanjye nshatse kuba nkabo.

IGIHE: Haba hari icyo Mashirika yagufashije mu gutangira kwerekana impano yawe yo gusetsa?

Arthur: Yampaye ubumenyi bwo gutinyuka no gutangira kwigaragariza abantu. Byampaye no kumenyana n’abantu benshi, binantera gutangiza itsinda ryanjye.

IGIHE: Ni ibihe bitaramo bikomeye watumiwemo kubera gusetsa atari mu itorero rya Mashirika?

Arthur: Natumiwe muri Uganda kujya gutaramana n’abantu mbasetsa n’i Burundi. Mu Rwanda nagiye nkora ibitaramo byinshi bya Comedy night, ahandi ni mu munsi wahariwe abana wa UNICEF. Nagiye ntumirwa kandi no mu bitaramo byinshi byo kumurika Album z’abahanzi batandukanye n’ahandi.

IGIHE: Iyo urangije nk’igitaramo cyo gusetsa, abantu bakubwira ko ari iki bakunda cyane mu buryo uba wabasekejemo?

Arthur: Icyo benshi bakunda kiugarukaho ni uko ibintu mvugaho biba ari ibyo mu Rwanda.

IGIHE: Impano yawe yo gusetsa ntiyari imenyerewe cyane mu ruhando rw’imyidagaduro hano mu Rwanda, wowe wumva ari iki uteganya gukora mu kurushaho kugaragariza abanyarwanda ko iyo mpano ihari hano mu Rwanda?

Arthur: Icyo numva nshaka kuzagaragaza wenda ni ukuzageza comedy mu rwego yubahwa ikazagera aho itangira guhabwa ibihembo. Bigaragara ko iyo abantu bavuze entertainement bumva umuririmbyi kandi na comedy iba ifite akamaro. Nahereye kuri radiyo mu bitaramo n’ahandi ndifuza kwerekana ko nayo ishobora guhindura ibintu.

IGIHE: Haba hari ikibazo tutakubajije wumva wavugaho?

Arthur: Yego, icyo utambajije abantu benshi bakunda kumbazaho ni uko ndi umunyarwanda ntari umunyamahanga, nakuriye mu Rwanda, niho nize n’ubu niho mba. Ikindi abantu benshi bazi ko ngo maze imyaka myinshi mvuga kuri Radio, bakeka ko ntabaga mu Rwanda, ariko nababwira ko nk’ibyo kuba umunyamakuru kuri Radio nabitangiranye na KFM, wenda nkeka ko biterwa n’uko baba bakunze uko mba nabasekeje cyane kuri Radio.

IGIHE: Urakoze!

Arthur: Sawa namwe murakoze!

Nkusi Arthur ahora yishimye
JPEG - 31.4 kb
Arthur ari gusetsa abantu muri Comedy Nayiti
Gusetsa yabigize umwuga

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza