Muri Tuff Gangs ntawuhetse undi -Jay Polly

Yanditswe na Rene Anthere Rwanyange
Kuya 19 Gashyantare 2013 saa 11:35
Yasuwe :
0 0

Jay Polly aravuga ko imwe mu mpamvu abasore bagize itsinda rya Tuff Gangs bamaze iminsi buri umwe yikorera indirimbo ku giti cye, byari muri gahunda bihaye yo kwereka abantu ko bose bashoboye ntawuhetse abandi.
Amezi asaga atanu arashize, ni hafi igice cy’umwaka, Tuff Gangs nta ndirimbo ihuriyeho isohoye, kuko iheruka gusohoka bari kumwe bose ni iyo bise “Amaniga yanjye” (http://www.igihe.com/imyidagaduro/muzika/abahanzi/tuff-gangz/indirimbo-540/amanigger-yanjye.html) bongeye gukorana na (...)

Jay Polly aravuga ko imwe mu mpamvu abasore bagize itsinda rya Tuff Gangs bamaze iminsi buri umwe yikorera indirimbo ku giti cye, byari muri gahunda bihaye yo kwereka abantu ko bose bashoboye ntawuhetse abandi.

Amezi asaga atanu arashize, ni hafi igice cy’umwaka, Tuff Gangs nta ndirimbo ihuriyeho isohoye, kuko iheruka gusohoka bari kumwe bose ni iyo bise “Amaniga yanjye” (http://www.igihe.com/imyidagaduro/muzika/abahanzi/tuff-gangz/indirimbo-540/amanigger-yanjye.html) bongeye gukorana na P-Fla batandukanye, byari muri Nzeri 2012.

Jay Polly yabwiye IGIHE ko kenshi abantu bajya babibeshyaho ko muri Tuff Gangs harimo abahanga baheka abandi, ariko iri tsinda ryose rigihari kandi buri umwe urigize akomeye ku giti cye.

Yagize ati “Turafatanya muri byose, abantu baketse ko muri Tuff Gangs rya tsinda rikomeye harimo uhetse undi, ko harimo ufite ingufu nke abandi bakaba bamuhetse.”

Iyi ni yo mpamvu yatumye bafata gahunda yo kugaragariza Abanyarwanda ko buri umwe mu bagize Tuff Gangs afite ubuhanga, kandi akomeye ku giti cye bituma badakomoza gukora indirimbo bahuriyeho nyinshi.

Jay Polly ariko aravuga ko mu gihe Lick Lick azaba yamaze kugera hano mu Rwanda, bamaze gushinga inzu yabo itunganya muzika, hari imishinga myinshi bafite bazahita batangira gukorana.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza