Ntibikwiye kuzongera kubaho ukundi-  Kayibanda Aurore Miss Rwanda

Ntibikwiye kuzongera kubaho ukundi- Kayibanda Aurore Miss Rwanda


Yanditswe kuya 13-04-2013 - Saa 12:45' na Joel Rutaganda

Ku wa gatanu tariki ya 12 Mata 2013 hari hateguwe ijoro ryo kwibuka urubyiruko rwazize Jenoside yakorewe Abatutsi mu 1994, ba Nyampinga ndetse n’Abahanzi bishyize hamwe bategura icyo gikorwa hagamijwe kubwira urubyiruko amwe mu mateka mabi yaranze igihugu cy’U Rwanda mu 1994. Miss Kayibanda Aurore ni umwe mu batanze ubutumwa.

Kayibanda Aurore Nyampinga w’U Rwanda 2012 umwe mu bagize igitekerezo cyo gukora icyo gikorwa mu ijambo rigufi yari yageneye urubyiruko rwitabiriye icyo gikorwa, Yavuze ko urubyiruko rukwiye kureba amateka mabi yaranze igihugu ntazongere kubaho ukundi. Aurore yagize ati: “Ndashimira urubyiruko rwose rwaje muri iri joro ryo kwibuka bagenzi bacu bazize Jenoside yakorewe Abatutsi mu 1994, kandi mbasaba gukomeza gukorera igihugu cyacu kugira ngo duhindure amateka mabi yakiranze, bityo rero turusheho guharanira kwigira twiteza imbere”.

Mzee Kalisa Rugano yagize ubutumwa agenera abantu bose bari bitabiriye icyo gikorwa. Mzee Rugano yagize ati: “Biteye isoni kubona hakiriho urubyiruko rufite imyumvire mibi, aho usanga umwana w’umusore cyangwa w’inkumi mu gitondo yicaye kumuhanda arimo kuruka inzoga yaraye mu kabari, ese murabona ibihe igihugu cyacu cya nyuzemo ubwo Abatusti bicwaga, umuntu umeze atyo hari ikintu yafasha igihugu? Ndasaba umuntu wese uri hano kumenya amateka mabi yaranze igihugu cyacu birusheho kumutera imbaraga zo gukorera U Rwanda nk’igihugu cyawe”.

Mu gikorwa cyo kwibuka urubyiruko rwazize Jenoside yakorewe Abatutsi mu 1994 cyateguwe n’abahanzi ndetse na ba Nyampinga, haje kugaragaramo ubwitabire bw’urubyiruko rutari rucye. Haje kwerekanwa filimi y’amwe mu mateka yaranze abantu bamwe barokoraga bagenzi babo, iyo filimi yiswe ”Ubumuntu”.

Amwe mu mafoto yaranze ijoro ryo kwibuka urubyiruko rwazize Jenoside yakorewe Abatutsi

Miss Aurore yavugaga umuvugo
Massamba na Aurore barimo kuririmba
Ba Nyampinga bose bari bafite umuvugo bateguye
Abahanzi barimo kuririmba indirimbo bose bahuriyemo
Austin, Lizza na Tonzi baririmba
Patrick Nyamitali arimo kuririmba
Tom Close na Uncle Austin
Tom Close na Aline Gahongayire baririmba
Jules Sentore, Nyamitali, Austin na Tom mbere yo kujya kuririmba
Minisitiri 'urubyiruko Philibert avuga ijambo
Umuyobozi w'umujyi wa kigali Ndayisaba ari kumwe na Minisitiri w'urubyiruko Philibert
Bamporiki yari amaze gutanga umwanya ku bahanzi ngo baririmbe dore ko yari MC
Aurore na Senderi mu ifoto y'urwibutso
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO