Queen Cha yatewe isoni n’amafoto agaragaza imyambarire yamuranze mu gitaramo

Queen Cha yatewe isoni n’amafoto agaragaza imyambarire yamuranze mu gitaramo


Yanditswe kuya 28-01-2013 - Saa 15:38' na Richard Irakoze

Umuhanzikazi Queen Cha yafotowe yambaye imyambaro abafana bibajijeho cyane ubwo yaririmbaga muri Relax Bar&Resto mu nyubako y’Isoko ry’Umujyi wa Kigali ku wa Gatandatu w’icyumweru gishize, none arasaba imbabazi nyuma yo kubona ako amafoto yakwirakwiye hirya no hino.

Ayo mafoto yacicikanye kuri facebook, uyitegereje, Queen Cha yari yambaye ikanzu ngufi y’ubururu n’akenda kamufashe ku maguru (bas). Amwe muri yo, hari n’aho agaragaza n’akenda k’imbere k’umweru Queen Cha yari yambaye.

Aganira na IGIHE, Queen Cha avuga ko ayo mafoto yasakaye kuri intenet nawe yayabonye, kandi ko ari we koko wari wambaye gutyo, ariko akavuga ko atari meza kuri we no ku bafana be kuko atamuhesha icyubahiro.

Queen Cha avuga ko asaba imbabazi abafana be, ngo ni impanuka yabaye umwenda ukazamuka hagaragara akande k’imbere. Anavuga ko uwamufotoye ashobora kuba yari agendereye kumusebya.

Yagize ati “Ni impanuka yabayeho umwenda urazamuka, wari mugufi ariko ntiwari mugufi bigeze hariya. Nkeka ko uwabikoze yari agamije kunsebya. Ndasaba imbabazi abafana kuko ntabwo byangaragarije neza, sinabikoreye ubushake, kandi bishobora kuba byaramperesheje isura mbi, uriya sinjye nyawe ni impanuka yabayeho.”

Queen Cha avuga ko asaba imbabazi abafana be kubw'iyi myambarire

Queen Cha ari ku rutonde rw’abahatanira Salax Awards 2012 rw’abahanzi bashya bakoze cyane muri muzika nyarwanda.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO