Kwamamaza

Salax Awards hakuwemo icyiciro cy’abaproducers hajyaho icy’abahanzi bo muri Diaspora

Yanditswe kuya 14-01-2013 saa 16:26' na Richard Irakoze
     


Mu gushyira hanze ibyiciro bigize amarushanwa ya Salax Awards, Ikirezi Group bagaragaje ko havanywemo icyiciro cya Best Video Producer na Best Audio Producer hongerwamo icyiciro kizahembwamo Umunyarwanda wahize abandi ukorera umuziki mu mahanga, Diaspora Recognition Award.
Ntirenganya Emma Claudine, umuyobozi wa Ikirezi Group itegura Salax Awards, aganira na IGIHE yasobanuye ko gukuraho ibyiciro bibiri by’abatunganya indirimbo (Audio na Video) ari uko basanze iki cyiciro kigomba kuvaho (...)

Mu gushyira hanze ibyiciro bigize amarushanwa ya Salax Awards, Ikirezi Group bagaragaje ko havanywemo icyiciro cya Best Video Producer na Best Audio Producer hongerwamo icyiciro kizahembwamo Umunyarwanda wahize abandi ukorera umuziki mu mahanga, Diaspora Recognition Award.

Ntirenganya Emma Claudine, umuyobozi wa Ikirezi Group itegura Salax Awards, aganira na IGIHE yasobanuye ko gukuraho ibyiciro bibiri by’abatunganya indirimbo (Audio na Video) ari uko basanze iki cyiciro kigomba kuvaho nyuma y’isesengura n’inonosora ry’amarushanwa bakoze.

Ati “Twabitekerejeho, buri gihe duhora tugenzura tureba igishobora kuba cyiza dusanga kubaha icyiciro bihariye bitumvikana neza. Nibo bari inyuma y’umuziki, nibo batuma uzamuka, bityo twahisemo kubarebera mu byiciro byose by’umuziki; niba hari indirimbo y’umwaka nibo bayikoze, niba hari umuhanzi w’umwaka tukareba abaproducer bamukoreye indirimbo, niba hari Album y’umwaka tukareba ni abahe ba producers bayikoze, bityo hakamenyekana producer w’umwaka biciye muri iyo nzira”.

Producer Clement Ishimwe, umwe mu batunganya indirimbo, aganira na Radio Salus yavuze ko gukuraho ibi byiciro by’abaproducer kuri we nta kibazo bimuteye ariko ko muri rusange abona ari ukugaragagaza guhuzagurika mu mitegurire n’imikorere bya Salax.

Emma Claudine avuga kandi ko kuba barashyizeho icyiciro gishya cy’umuhanzi nyarwanda witwaye neza muri Diaspora nyarwanda ari uko byakomeje gusabwa cyane, kandi bagasanga bikwiye ko icyo cyiciro cyabaho.

Nk’ibisanzwe nta cyiciro cy’umuhanzi ukizamuka kizagaragara muri Salax y’uyu mwaka.

Indi mpinduka yabaye ni uko gusoza amarushanwa bitazabera muri Stade Ntoya y’i Remera, ahubwo bikazabera muri Serena Hotel.

Ibyiciro bisigaye muri Salax Awards ni icy’umuhanzi w’umwaka (Artist of the Year), umuhanzi witwaye neza w’umugabo (Best Male Artist), umuhanzi witwaye neza w’igitsina gore (Best Female Artist), Umuhanzi witwaye neza uzamutse vuba (Best New Artist), umuhanzi witwaye neza mu njyana gakondo (Best Traditional Artist), umuhanzi witwaye neza mu njyana ya Afrobeat (Best Afro beat Artist), umuhanzi witwaye neza muri Hip-Hop (Best Hip-Hop Artist), Umuhanzi witwaye neza muri R’n’B (Best R’n’B Artist) n’umuhanzi witwaye neza mu baririmba indirimbo zihimbaza Imana (Best Gospel Artist).

Biteganyijwe ko ku wa 15 Gashyantare abanyamakuru bazatoranya abahanzi bazajya mu cyiciro cy’abahatanira ibihembo bya Salax Awards. Kuwa 9 Werurwe 2013 hazatangazwe abegukana ibihembo muri Salax Awards.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved