Kwamamaza Tigo_ digital garden

Samputu yashyikirije Gaby miliyoni yamwemereye

Yanditswe kuya 2-04-2013 saa 16:16' na Emmanuel Kwizera
     


Nyuma y’umunsi umwe Samputu Jean Paul yamereye Gaby Kamanzi ko azamuha miliyoni imwe y’amafaranga y’u Rwanda ku bw’ubutumwa bwamamaza Imana bukubiye muri album yamuritse ku Cyumweru, kuri uyu wa kabiri ni bwo yamushyikirije sheki y’ayo mafaranga.
Ubwo umuhanzi Gaby Kamanzi yamurikaga album ye ku Cyumweru tariki ya 31 Werurwe, ni bwo yemerewe n’umuhanzi Samputu Jean Paul wari witabiriye uyu muhango, miliyoni imwe y’amafaranga y’u Rwanda.
Mu kiganiro IGIHE twagiranye na Samputu ubwo yari aje (...)

Nyuma y’umunsi umwe Samputu Jean Paul yamereye Gaby Kamanzi ko azamuha miliyoni imwe y’amafaranga y’u Rwanda ku bw’ubutumwa bwamamaza Imana bukubiye muri album yamuritse ku Cyumweru, kuri uyu wa kabiri ni bwo yamushyikirije sheki y’ayo mafaranga.

Ubwo umuhanzi Gaby Kamanzi yamurikaga album ye ku Cyumweru tariki ya 31 Werurwe, ni bwo yemerewe n’umuhanzi Samputu Jean Paul wari witabiriye uyu muhango, miliyoni imwe y’amafaranga y’u Rwanda.

Mu kiganiro IGIHE twagiranye na Samputu ubwo yari aje gushyikiriza Gaby sheki yari isinyeho aya mafaranga, yatangaje ko ikiruta ibindi atari aya mafaranga, ahubwo ko ari ukumugira inama kuko atabikoze yaba atatiye inshingano ye nk’umuhanzi ukuze.

Samputu usanzwe ari umuvugabutumwa wamamaza Imana, akabwiriza ku mahoro, urukundo no kubabarira hirya no hino ku Isi, yagize ati “Gaby si we nahaye miliyoni n’ubwo imufasha mu byo azakora. Nayihaye ivugabutumwa akora, ku bw’uwo ahimbaza, uwo arimo kwigisha mu ndirimbo ze, uwigishwa, n’uwo ataka. Iriya ni CD y’isumba byose, Imana rurema. Ubwo se CD ya Rurema wayishyura angahe? ayo natanze ni make cyane.”

Akomeza ati “Imana ntabwo yampaye kugira ngo nicarane ubutunzi ntasangira n’ibindi biremwa, iyo ni yo myumvire yanjye. Gaby namubwiye ko akwiriye gushima uwo yamamaje, kuko ari we njye Samputu nahaye, kandi ko ari we nakoreye.”

Mu kiganiro na Gaby, yadutangarije ko iyi miliyoni yayishimiye, ati “Samputu ndamushimiye cyane hari byinshi twaganiriye, yananyijeje ko iyo nkunga atari yo gusa ahubwo ko agiye no gukomerezaho kumfasha no mu miririmbire hirya no hino ku Isi, bityo mbashe no kugera ku rwego rwiza muri muzika yo guhimbaza Imana.”

Samputu Jean Paul amaze guhabwa ibikombe umunani yavanye mu mahanga, birimo igikomeye cyane ku rwego rw’Isi cyitwa International Song Writing Competition cyatumye atumirwa kuririmba mu bihugu bitandukanye.

Reba amwe mu mafoto yo mu gitaramo cya Gaby Kamanzi ashyira hanze album.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved