Umuhanzikazi Zouzou azita umwana we amazina ya nyakwigendera Hirwa wo muri KGB

Nyuma r’urupfu rw’umuhanzi Hirwa Henry wo muri KGB, umuhanzikazi uzwi ku izina rya Zouzou Zoulaika umwana atwite yahisemo ko azitwa Hirwa Henry.

Hirwa yapfuye ku itariki 1 Ukuboza 2012, Zouzou atwite inda y’ukwezi n’igice, afata umwanzuro wo kuzita umwana we Hirwa Henry kubera ubucuti budasanzwe yari afitanye na nyakwigendera. Ariko n’iyo adapfa yari yarabwiye Hirwa ko azita amazina ye umwana we azabyara.

Zouzou avugana na IGIHE yagize ati “Umugabo ni usohoza ibyo yemeye mbonye yitabye Imana kandi ntwite nahise niyemeza kumwita Hirwa Henry.”

Akomeza avuga ko yari inshuti cyane na Hirwa Henry, ku bw’amahirwe n’umugabo we abizi.

Se w’umwana uzitwa Hirwa, nawe nubwo adashaka kugaragara mu itangazamakuru, yemereye IGIHE ko umwana azitwa Hirwa Henry.

Zouzou avuga ko yifuza kuzabona umwana we akura afatira ku mibereho ya Hirwa, ati “Imico yose ya Henry nifuza ko na Henry wanjye yazayigira.”

Zouzou na Hirwa Henry atarapfa