Umwe mu bagize Tuff Gang ashobora kwerekeza muri Afurika y’Epfo

Umwe mu bagize Tuff Gang ashobora kwerekeza muri Afurika y’Epfo


Yanditswe kuya 6-02-2013 - Saa 17:31' na Richard Irakoze

Umumwe mu baraperi bo mu itsinda rya Tuff Gang, Green P, riri mu yakunzwe cyane mu Rwanda arateganya kwerekeza muri Afurika y’Epfo muri gahunda z’amasomo n’umuziki.

Green P, ubusanzwe yitwa Rukundo Elijah akaba murumuna w’umuhanzi uzwi cyane The Ben uri muri Leta Zunze Ubumwe z’Amerika.

Umwe mu nshuti zibana n’uyu muraperi yabwiye IGIHE ko Green P akiri mu Rwanda ariko ko ateganya kwerekeza hanze y’Igihugu. Iyi nshuti isobanura ko Green P agiye kwiga ariko nyir’ubwite we akavuga ko ari impamvu z’umuziki.

Bull Dogg uririmbana na Green P we yavuze ko izo gahunda zo kujya muri Afurika y’Epfo atazizi kuko ngo bavuganye no ku wa kabiri ntazimubwire.

Abagize Tuff Gang, uhereye i bumoso ni Jay Polly, Green P, Bull Dogg, Fireman

Umuhanzi Danscot, mukuru w’uyu muraperi, we yanze kwerura ngo igira icyo atangariza IGIHE, adusaba ko twakwibariza nyir’ubwite tutabashije kubona ku murongo wa telephone ye igenganwa.

Green P ariko we aheruka kwemerera Izuba Rirashe ko azajya muri Afurika y’Epfo, kandi akazagaruka atagumyeyo, ko abagahera bagaheramu mahanga baba badakunze Igihugu. Avuga ko azajajya guhura n’umujyanama we bagategura igitaramo.

Yagize ati “Njyewe sinshobora kugenda kuriya kuko nkunda igihugu cyanjye, ahubwo ikinjyanye ni uguhura n’umujanama wanjye kuko niwe wantumyeho ngo dutegure uburyo nzakora igitaramo cyanjye nise “Mix Tape” kibanziriza Album ya mbere”.

Green P murumuna wa The Ben

Green P yavuze ko ateganya kuzamarayo ibyumweru bibiri.
Soma ubuzima bwa Green P HANO http://www.igihe.com/imyidagaduro/muzika/abahanzi/green-p/

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO