Filimi n’abakinnyi bazahatana muri Rwanda Movie Awards bagaragajwe harimo n’aba Rwasa

Filimi n’abakinnyi bazahatana muri Rwanda Movie Awards bagaragajwe harimo n’aba Rwasa


Yanditswe kuya 20-02-2013 - Saa 09:21' na Vénuste Kamanzi

Nubwo abantu benshi batekerezaga ko ubwo Filimi Rwasa yavuye mu guhatanira ibihembo muri Rwanda Movie Awards, abakinnyi bayo bagaragaye muri 12 bahatanira gutorwamo umukinnyi mwiza.

Ku rutonde Ishyo Arts itegura amarushanwa yashyize ahagaragara, abakinnyi batandatu bahatana mu bagabo ni Denis Nsanzamahoro (Rwasa), Kayitankore Ndjoli (Kanyombya), Hategekimana Jean Marie (Happiness game), Willy Ndahiro, Dan Gaga (Ngezi), Kayumba Vianny ( ukina yitwa Manzi mu Marira y’urukundo).

Abahatana b’igitsina gore ni Marie France, Fabiola (Amarira y’urukundo), Isimbi Aliance (Rwasa), Tina, Anitha (wakinnye muri Anitha) na Batamuriza Juliette.

Bizimana Theogene, umuyobozi wa Silver Film Production, nyiri filimi Rwasa yavuze ko atumva neza ukuntu abakinnye Rwasa bashyirwa mu bahatanira ibihembo kandi filimi bakinnyemo yarakuwe mu irushanwa, ati “Ubwo baba bashatse kwerekana iki? Iryo zina rya filimi (Rwasa) ritumvikanye mu marushanwa nta gaciro ryagira?”

Mucyo Jackson, umuyobozi wa Ishusho, avuga ko gushyira abakinnyi bakinnye muri Rwasa mu marushanwa nta guhangana na nyira yo kurimo kuko iyo filimi yasohotse abakinnyi baba babaye ab’abaturage, bityo bakaba aribo bihitiramo uwo bashimira, ati “Mu kubahitamo twakurikije uburyo bakunzwe mu gihugu, kuko na benshi muri bo bamaze kugaragara muri filimi nyinshi.”

Filimi 16 zizahatanira kuba filime nziza y’umwaka:

Akanzu,Inzira y’ubuzima, Hahirwa uwihanganye, Ntaheza hisi, Ntakitagira iherezo, Ikizere, Bibaho, Ibanga, Anitha, Ntabyera, Sorry son, Pyna, Kwizera kurema, The display of love, Ingaruka kuri njye na Inkomoko y’umuruho.

Mucyo Jackson kandi avuga ko filimi mpamo (documentary) na filimi nyufi (Short movie) zo zizatoranywa n’itsinda ry’inzobere ryatoranijwe.
Ku kibazo cyo kuba nta cyiciro cy’amashusho y’indirimbo kirimo kugaragara kandi bari baravuze ko muri uyu mwaka kizazamo, Mucyo yavuze ko basanze hataragerwa ku rwego bifuza rw’amashusho akwiye kugaragara mu marushanwa ya filimi, biba ngombwa ko bihagarara.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO