Kwamamaza

Bwa mbere mu Rwanda hagiye kubera iserukiramuco rya Sinema y’i Burayi

Yanditswe kuya 6-10-2016 saa 15:24' na Mukaneza M.Ange


Ku nshuro ya mbere, Itsinda ry’abahagarariye ibihugu byo mu Muryango w’ubumwe bw’u Burayi, EU, mu Rwanda, bateguye iserukiramuco rya film zakorewe kuri uriya mugabane.

Muri iri serukiramuco ryateguwe ku bufatanye n’ishuri ryigisha ibijyanye na sinema (cinema) mu Rwanda, Kwetu Film Institute, film 12 zakorewe mu bihugu umunani byo ku mugabane w’u Burayi zizerekanirwa mu mujyi wa Kigali no turere twa twa Rubavu na Huye.

Mu kiganiro Umujyanama mu bya Politiki w’Umuryango w’Ibihugu by’Ubumwe by’Uburayi mu Rwanda, Ondrej Simek, yagiranye n’abanyamakuru ku wa 5 Ukwakira 2016, yavuze ko iri serukiramuco ryateguwe mu rwego rwo kugerageza gusobanurira abanyarwanda imico itandukanye y’abanyaburayi.

Ati” Intego yacu ni ukugerageza kwegereza abanyarwanda u Burayi. Film zizerekanwa muri iri serukiramuco ni urugero rwiza rw’indangagaciro n’uruhurirane rw’ibihuje abanyabyurayi muri EU.”

Yakomeje avuga ko uzaba ari umwanya mwiza abanyarwanda bazaba babonye wo kwirebera film nshya zakorewe mu bihugu nka Espagne, u Budage, ibintu bidakunze kubaho.

Uretse kwerekana film, hanateganyijwe igikorwa cyo kwigisha abantu 25 basanzwe bakora film mu Rwanda ibijyanye no gushyira amabara mu mashusho(color grading), amasomo bazahabwa n’umunya Suède, Martin Wideberg.

Umuyobozi wa Kwetu Film Institute, Eric Kabeera, yavuze ko bishimiye iri serukiramuco rya sinema y’i Burayi rigiye kubera mu Rwanda ndetse anashimira itsinda ry’abahagarariye EU mu Rwanda ku nkunga yabo mu gutuma ariya mahugurwa ategurwa.

Yakomeje kandi avuga ko nta mpungenge zihari kuba iri serukiramuco rizahurirana n’irindi ryateguwe n’abagore bari muri sinema, yemeza ko ahubwo ari ikintu cyiza ndetse abantu bazabasha kwihitiramo muri byinshi.

Iserukiramuco rya sinema y’i Burayi rizatangira ku itariki ya 13 rigeze ku wa 23 Ukwakira 2016. Muri film zizerekanwa harimo izegukanye ibihembo bitandukanye muri Academy Award nka El Secreto De Sus Ojos(Espagne), Searching for Sugar Man yakozwe n’Abongereza n’Abanya-Suède) n’izindi.

Mu mujyi wa Kigali, film zizerekanirwa muri Century Cinema kuva kuwa 13-16 Ukwakira 2016, Huye ni muri ishuri rya NSPA(Nile Source Polytechnic of Applied Sciences) kuva ku itariki 18-20 Ukwakira n’aho i Rubavu ni uguhera ku wa 21-23 Ukwakira 2016 muri Kaminuza y’ubukerarugendo n’ikoranabuhanga(UTB).

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved