“Sakabaka”, filimi nshya igiye gusohoka mu bice 24

“Sakabaka”, filimi nshya igiye gusohoka mu bice 24


Yanditswe kuya 29-10-2013 - Saa 09:52' na Munyentwari Patrick

Filimi "Sakabaka" yanditswe na Nsanzamahoro Denis izaba igizwe n’ibice 24, iherekezwa n’indirimbo z’abahanzi (The Ben, Naason, Franky Joe, Dady Casssanova, Edouce, Khizz na Uncle Austin), ikinamo abakinnyi b’ibanze batandatu, ibice bya mbere bigera kuri bine byayo bigiye gusohoka.

Kirenga Saphine, umwe mu bakinnyi bamaze kwamamara muri Sinema nyarwanda uzagaragara muri iyi filimi yitwa Sakabaka

Filimi “Sakabaka” ikinwamo n’abakinnyi bamenyekanye mu yandi mafilimi nka Mugisha James, Parfait, Umutesi Ornella, Bugirimfura Ladouce, Kirenga Saphine n’abandi.

Aganira na IGIHE Nsanzamahoro Denis wanditse iyi filimi akaniyikinamo usanzwe ari umukinnyi w’ibanze wagiye ugaragara mu mafilimi nka “Sometimes in April”, “Hundred days”, “Shake Hands With The Devil” n’izindi, avuga ko filimi “Sakabaka” yafashwe amashusho na Sinematic Production”.

Denis agira ati “Iyi filimi itandukanye n’izindi cyane ku buryo amashusho yayo afashe, bitandukanye n’izindi cyane kuko yo hagaragaramo ko abakinnyi bagiye bagaragara mu mashusho y’ijoro bigatuma amashusho agaragara neza, ndizera ko izaza ari nziza cyane kuko narayitondeye.”

Avuga ko iyi filimi yayanditswe mu gihe kingana n’amezi umunani, ifatirwa amashusho mu minsi 40. Itegurwa ry’amashusho rimara iminsi 40.

Mu byumweru bibiri biri imbere igice cya mbere kizaba kimaze kugera hanze nubwo bamwe mu babonye ikinwa basaba ko yasohoka vuba.

Byitezwe ko filimi “Sakabaka”izagurishwa mu karere k’Afurika y’Iburasirazuba, muri Canada n’ahandi bamaze kubona uburyo zizagurishwa.

Umutesi Ornella nawe azaba ari muri iyi filimi nshya yitwa Sakabakaa\
Parfait, umwe mu bakinnyi bazagaraga muri Sakabaka
Ladouce Bugirimfura, byitezwe ko nawe azaba ari muri iyi filimi
Nsanzamahoro Denis wamenyekanye nka “Rwasa”
Nyampinga wa RTUC, Ibyishaka Elisabeth ni umwe mu bakinnyi bazagaragara muri Filimi "Sakabaka"
Ikipe yatunganyije amashusho ya filimi "Sakabaka"
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO