Hagiye kujya hanze igice gishya cya filime yamamaye nka James Bond

Yanditswe na Uwiduhaye Theos
Kuya 7 Ukwakira 2019 saa 07:42
Yasuwe :
0 0

Igice gishya cya ‘James Bond: No Time to die’ kigiye kujya hanze muri Mata 2020, kizanagaragaramo abakinnyi batandukanye bakomeye mu ruganda rwa sinema mu Bwongereza no ku Isi muri rusange.

Iyi filime ya ‘James Bond: No Time to die’ bivugwa ko ishobora kuzajya hanze ku wa 3 Mata 2020 mu Bwongereza, ku wa 8 Mata muri Leta Zunze za Amerika ariko abayitunganyije bayigije imbere ho umunsi kuwo yari kuzerekanirwaho bwa mbere.

Abasanzwe ari ibihangange barimo Ralph Fiennes, Rami Malek, Rory Kinnear, Ben Whishaw, Naomie Harris, Lea Seydoux na Jeffrey Wright nibo bazayigaragaramo mu gihe Cary Fukunaga ari we wayiyoboye.

Iyi filime yarangije gufatwa amashusho mu Butaliyani, amashusho arimo yanafatiwe mu mijyi nka Londres ndetse, Jamaica no muri Norvège.

Barbara Broccoli watunganyije iyi filime yavuze ko Bond mu ntangiro azaba atari mu kazi yari asanzwe akora ahubwo azaba ari kwinezeza muri Jamaica.

James Bond yatangiye gukinwa guhera mu 1962, aho hasohotse agace kitwa ‘Dr. No’, mu 1963 ‘From Russia with Love’, 1964 hajya hanze ‘Goldfinger’, ‘Thunderball’ yagiye hanze mu 1965, ‘Casino Royale’ (1967), ‘You Only Live Twice’ (1967), ‘On Her Majesty’s Secret Service’ (1969), ‘Diamonds Are Forever’ (1971), ‘Live and Let Die’ (1973), ‘The Man with the Golden Gun’ (1974), ‘The Spy Who Loved Me’ (1977), Moonraker (1979), ‘For Your Eyes Only’ (1981), na ‘Octopussy’ (1983).

Hari kandi ‘Never Say Never Again’ (1983), ‘A View to a Kill’ (1985), ‘The Living Daylights’ (1987), ‘Licence to Kill’ (1989), ‘GoldenEye’ (1995), ‘Tomorrow Never Dies’ (1997), ‘The World Is Not Enough’ (1999), ‘Die Another Day’ (2002), ‘Casino Royale’ (2006), ‘Quantum of Solace’ (2008), ‘Skyfall’ (2012) na Spectre yeherukaga kujya hanze mu 2015.

Iyi filime ivuga ku muntu utarabayeho wahimbwe n’umwanditsi w’udutabo duto witwa Ian Fleming mu 1953. Aba ari umutasi w’Umwongereza ukorera urwe rw’ubutasi MI6 akoresha umubare w’izina rye wa 007.

James Bond yatangiye gukinwa guhera mu 1962

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza