Kwamamaza

Ibihugu 10 bizaba bihagarariwe i Kigali mu iserukiramuco rya filime za gikirisitu

Yanditswe kuya 29-11-2016 saa 08:07' na Hagengimana Philbert


Ku nshuro yaryo ya gatanu mu Rwanda, iserukiramuco rya filime za gikirisitu rizitabirwa n’ibihugu icumi, rikazaba rinafite umwihariko wo kungurana ubumenyi no gusangira ubunararibonye mu gukina filime cyane cyane izigisha Iyobokamana.

Mu kiganiro na IGIHE, Chris Mwungura, Umuyobozi wa True Way Entertainment ari na yo itegura iryo serukiramuco, yatangaje ko Rwanda Christian Film Festival y’uyu mwaka hazajya habanza ibiganiro nyunguranabitekerezo, ndetse abitabiriye bakanataramirwa n’abahanziabahanga batandukanye.

Yagize ati “Abazitabira iri serukiramuco basanzwe baba mu bya sinema cyangwa babikunda, bazahungukira byinshi kuko tuzagira umwanya wo kuganira n’abo bakora filimi baturutse muri ibyo bihugu bitandukanye, imbogamizi duhura na zo aho dukorera filimi, ndetse no kurebera hamwe uburyo twakorana.”

Ibyo ngo bizatuma banamenya imikoranire ku buryo bazabasha kumenya icyo basabwa kugirango bakinire filimi mu gihugu runaka, n’abo banyamahanga bamenye icyo basabwa kugirango bashobore kuza gukinira filimi mu Rwanda.

Uretse ibihugu byo ku mugabane wa Afurika birimo Uganda, Burundi, Tanzania, Kenya, RDC, Afurika y’Epfo, iryo serukiramuco rizanitabirwa na filime zo muri Leta Zunze Ubumwe za Amerika, Korea y’Epfo n’ibindi.

Iryo serukiramuco rizatangira ku itariki ya 2 Ukuboza 2016 rikazabera muri Hill Top Hotel, aho guhera saa cyenda kugeza saa kumi n’imwe n’igice uzajya uba ari umwanya w’ibiganiro ku nsanganyamatsiko zitandukanye zateguwe, ubundi guhera saa kumi n’ebyiri (6:00pm) ukaba umwanya wo kureba filimi zatoranyijwe kwitabira iserukiramuco.

Chris Mwungura uyobora Rwanda Christian Fil Festival

Iserukiramuco rizasorezwa muri Kigali Convention Centre kuwa 4 Ukuboza, aho hazaba hanizihizwa isabukuru y’imyaka itanu Rwanda Christian Film Festival imaze ishinzwe.

Haba mbere cyangwa mu biganiro nyir’izina, ni ho hazajya hacamo umwanya wo gutaramirwa n’abahanzi batandukanye nka Olivier&Amanda, Alive&Freed, Brenda Indekwe, Yvan Ngenzi n’abandi.

Muri iryo serukiramuco hazanatangwamo ibihembo bitandukanye kuri Filimi zahize izindi mu byiciro bitandukanye ndetse n’abakinnyi bazo bahiga abandi. Hazahembwa Filime ndende nziza kurusha izindi, hahembwe ingufi, indirimbo mu mashusho ihiga izindi, ndetse n’umukinnyi mu bagabo n’undi mu bagore.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved