Iserukiramuco Rwanda Christian Film Festival rigarukanye impinduka

Yanditswe na Munyengabe Murungi Sabin
Kuya 3 Ugushyingo 2016 saa 02:29
Yasuwe : XX
141 71

Iserukiramuco rikomeye rya filime za gikirisitu, Rwanda Film Festival, rigiye kubera mu Rwanda ku nshuro yaryo ya Gatanu rizanye impinduka zitari zisanzwe mu bihe byatambutse.

Mu kiganiro na IGIHE, Chris Mwungura uyobora True Way Entertainment ari nayo itegura iri serukiramuco yatangaje ko muri Rwanda Christian Film Festival y’uyu mwaka hazaba umuhango uzamara iminsi ibiri bitandukanye n’uko mu nshuro zabanje ryabaga mu gihe kigera ku cyumweru.

Yavuze ko uko umwaka utashye abategura Rwanda Christian Film Festival bashyiramo impinduka mu kurushaho kurikundisha abantu no kuzanamo ibishya bituma riba ryiza kurushaho.

Rwanda Christian Film Festival izatangira ku itariki ya 2 Ukuboza izasozwe kuwa 3 Ukuboza 2016. Chris Mwungura ati “Muri uyu mwaka harimo impinduka, iserukiramuco rizaba iminsi biri gusa mu gihe ryari risanzwe rimara icyumweru, impamvu ni uko mu minsi yashize twakoze ibikorwa bitandukanye byo kwereka film za gikirisiuo mu bice bitandukanye [summer outdoor movie screenings], byakunzwe cyane na benshi.”

Chris Mwungura uyobora Rwanda Christian Fil Festival

Yongeraho ati “Uyu mwaka rero ku munsi wa mbere hazabaho Master Class aho bazaba bungurana ibitekerezo n’abandi bantu bakomeye bakora filime bazaturuka hanze ndetse n’aba hano mu Rwanda, uwo munsi ku mugoroba hazabaho igikorwa cyo kwerekana filime hanyuma ku munsi wa kabiri dusoze dutanga ibihembo.”


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE