Filimi “Izingiro ry’amahoro” : Gasigwa yasabiwe impamyabumenyi y’ikirenga y’icyubahiro

Filimi “Izingiro ry’amahoro” : Gasigwa yasabiwe impamyabumenyi y’ikirenga y’icyubahiro


Yanditswe kuya 26-01-2013 - Saa 18:27' na Vénuste Kamanzi

Mu muhango wo kumurika ku mugaragaro filimi yiswe “Izingiro ry’amahoro” yateguwe kandi ikanayoborwa na Gasigwa Léopold, Makuza Lauren Umuyobozi w’umuco muri Minisiteri y’umuco na Siporo yavuze ko kubera ubuhanga iteguranye nyir’ukuyikora yari akwiye guhabwa impamyabumenyi y’ikirenga y’icyubahiro (Honorary Doctorate).

Ku mugoroba wo ku wa Gatanu tariki 25 Mutarama 2013, Gasigwa Léopold yamuritse filimi yo mu bwoko bwa filimi mpamo (film documentary) yiswe “Izingiro ry’amahoro” ivuga ahanini ku mateka mabi ya Jenoside u Rwanda rwanyuzemo.

Nyuma yo kwerekanira iyi filimi ku nshuro ya mbere muri Petit stade, abari baje muri uyu muhango bamushimiye intambwe ateye ndetse banamwifuriza gukomeza akajya mbere.

Dr Rurangwa Juru avuga ko iyi filimi ari imwe mu ntsinzi Abanyarwanda bashobora kuzagenderaho ejo kandi izatsinda Jenoside, bitanga icyizere kuko ibyagaragayemo mu minsi iri imbere bizaba ari ibimenyetso by’ukuri by’uko ibintu byagenze.

Ubwo Makuza Lauren yafataga ijambo yavuze ko iyi filimi ifite umwihariko kandi izahindura imitekerereze ndetse igiye guhindura byinshi cyane mu mitekerereze n’imyumvire y’abantu. Yamusabye kuzayijyana mu maserukiramuco atandukanye ku Isi kugira ngo arusheho kugaragaza ukuri kuyikubiyemo ndetse amwizeza ko Minisiteri ya siporo n’umuco imuri inyuma kandi izamufasha.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO